You are here
Home > Zoram > ZOHNUAI MIPUI THINRIMIN CHIEF JUDICIAL MAGISTRATE IN SUASAM

ZOHNUAI MIPUI THINRIMIN CHIEF JUDICIAL MAGISTRATE IN SUASAM

ZOHNUAI MIPUI THINRIMIN CHIEF JUDICIAL MAGISTRATE IN SUASAM

ZOHNUAI MIPUI THINRIMIN CHIEF JUDICIAL MAGISTRATE IN SUASAM

vlcsnap-2016-09-22-19h06m12s969

Thla hmasa ni 27 zana Zohnuai thlangval C.lalsawmliana thattu Stephen Lalchawiliana chu vawiin hi a court ni tura ruahman a nih angin amah hmuh tumin Zohnuai YMA leh khawtlang mite court hmaah an pungkhawm a, pungkhawm lungawilo te chua Lunglei CJM Pu R.Malsawmdawngzuala in an suasam.

vlcsnap-2016-09-22-19h04m37s564

Zohnuai khawtlang hruaitute sawi danin tualthattu Stephen Lalchawiliana hi tun thla ni 9 khan a court dawn tih hria-in Zohnuai khawtlangte hi court tualah amah hmuh tumin an lo pungkhawm tawh a, mahse a hma niin magistrate te’n jailah camp court an lo neihpui tawh avangin Zohnuai mipuite hian an hmu thei ta lo va, Court lama thawktute’n vawiina a court tur thu leh chutah chuan hmuh theih a nih tur thu hrilhin vawiin khan amah hmuh an duh avanga pungkhawm leh an nih thu an sawi a. Mahse a hma ang bawkin nimin lamah camp court jail hmunah an lo neihpui leh si chu inbumna leh inpalzutna a ni tiin Zohnuai khawtlang hmusittu leh dawt hrilh fotu magistrate chu hmuh an tum thu an sawi a ni.

vlcsnap-2016-09-22-19h10m23s589

Hetih lai hian vawiina court tuala pungkhawmte hian court-ah luh an tum a, police te nen an innawrin Zohnuai mi 2 te’n hliam an tuar a, hemi hnu hian mi țhenkhat chu magistrate quarterah kalin a chenna chu an suasam a, hemi hma hian  kawta motor ding 4 leh hmanraw awm thei te turte chu police dutyten an dahsawn hman a, CJM Pu Malsawmdawngzuala nupui fanaute chu an insaseng hman a ni.

dsc_0084

Mipui thinrimte chuan magistrate in leh a driver in chu a kawngkhar tichhiain nasa takin inchhung bungrua an tichhe bawk.

CJM hi Zohnuai mipuite chuan court tualah a lo chhuah nghakin tlai dar 4;30 thleng khan an nghak a, hemi hnu hian court tual leh a chhevelah punkhawm phallohna dan unlawful assembly puan a ni a, pungkhawm mi eng emaw zat police te’n manin an ținzui ta a, CJM pawh Police te venna hnuaiah an in lam panpui a ni.

LUNGLEI JUDGE TE HIGH COURT IN A SAWN CHHUAK

14370439_1192711604135071_76746542711618925_n

Gauhati High Court chuan vawiin tlai khan thuchhuah siamin Lungleia Magistrate pathum Pu R. Thanga D&SJ, Lunglei, Pi Helen Dawngliani AD&SJ, Lunglei leh Pu R. Malsawmdawngzuala, CJM Lunglei te chu an hna atanga hnukletin D&SJ Aizawlah a attached.
.
Pu Laldinpuia Tlau, Senior Civil Judge leh CJM Lawngtlai, Lungleia Circuit court nei thin pawh circuit court neih phalsak a ni tawh lo bawk.

Court Building kutthlak hi High Court chuan a ngai serious em em a. Hei vang hi a ni ang e Lunglei chuan Thubuai ngaihtuah tu tur kan nei dawn ta rih lo a. Kawng hrang hrangah kan buai dawn hle a ni.

dsc_0084

Democrary ramah hian sorkarin mipui tana a rawih sorkar hnathawk ai hian Mipuite hi an lal ber tur a ni reng a ni.

Similar Articles

Top