You are here
Home > Zoram > ZIKHLUM HRALHCHHUAH DAN NGAIHTUAH

ZIKHLUM HRALHCHHUAH DAN NGAIHTUAH

ZIKHLUM HRALHCHHUAH DAN NGAIHTUAH

Mizoram hmun hrang hranga tun hnaia thal zikhlum (off season cabbage) tharchhuahte hralh dan tur ngaihtuahin vawiin khan Commerce & Industries Director Pu J.Hmingthanmawia hovin an Department Conference Hall-ah Agriculture, Horticulture, I&PR, Commerce & Industries (Commerce Wing) officials te bakah Fruits & Vegetables Suppliers’ Assn. leh All Mizoram Farmers’ Union aiawhte an thukhawm.

phawngpui-tlang-bulah-fur-zikhlum-ching-hlawhtling5

Commerce & Industries Director Pu J.Hmingthanmawia chuan sorkarin kuthnathawktute hmasawn zelna tur ngaihtuahin an thlai tharte mumal leh man zawka an hralh theihna turin hmalak mek a ni a; chung zingah chuan thal zikhlum pawh a tel thu a sawi a. Tun hnaiah Samthang khuaa thal zikhlum tharchhuahte chu Aizawl bazar-a kharchhawng thinte chu lo fihlim turin ngen an nih hnuah sorkar chuan Commerce & Industries Department kaltlangin heng thla zikhlum man zat leh hralhchhuah dan turtefel takin a bituk ta a ni, a ti. Sorkar a inrawlh hnu chuan Samthang kuthnathawktute chuan an zikhlum tharchhuah atangin a hma aia an hlawk thu leh tuna mumal zawka Samthang zikhlum an rawn phurh leh hralhchhuah ang hian khaw dang atanga zikhlum leh thlai dang hralhchhuahnaah pawh hman zui a fuh a rin thu a sawi bawk.

vlcsnap-2016-10-16-17h15m14s267

Vawiina meeting-ah hian Aizawl khawpui chhunga chawhmeh bazarte survey tum a nih thu te, loneitute tan market awareness campaign neih te leh food testing laboratory pawh peih a nih tep thute tarlan a ni a. Thlai tharchhuahte hralhna kawnga hmalakna pawimawh tak chu a dah thatna tur ‘pack house’ sak a nih thu sawi a ni bawk.

Sorkar department ten hma an lakpui atanga vawiin thlenga Samthang-to-Aizawl zikhlum phurh thlen zat chu :

Thlen Ni –  Thlen zat

15.8.2017 – 71 bags

16.8.2017 – 45 bags

17.8.2017 – 70 bags

17.8.2017 – 71 bags

18.8.2017 – 41 bags

18.8.2017 – 50 bags

19.8.2017 – 39 bags

22.8.2017 – 90 bags

Aizawl Division bakah Lunglei, Khawzawl, Tuidam, Serchhip, Siaha, Lawngtlai leh Kolasib Division ah te thal zikhlum hi tharchhuah mek a ni.

WRITTEN BY MINA ZOLIANI, MIS, IPRO

DATED: 22ND AUGUST 2017, 2:33 PM | LANGUAGE: MIZO

Ryozeki F 1 hybrid cabbade
Ryozeki F 1 hybrid cabbade

Off-season cabbage han tih awmzia chu zikhlum thar hun pangngai thlasik-ah ni lo, fur laia thar, Silchar lama mi dang thar loh laia thar tihna mai a ni a.  Heng Mizoram fur laia chin theih zikhlum hi  Japan rama The Musashino Seed Co., ltd. siam F1 Hybrid zikhlum, a hming RYOZEKI a ni a, ni 60-70 chhungin kg 1.5-2 vel a ni thei a, tlangram lo vahnaah a chin mai theih a Mizoram tan a ţha em em a ni.

He Japan zikhlum Ryozeki hi kum 1997 khan Burma ram atangin ka chhahchhuak a, kan ching chin a, a lo ţha duh hle mai a, a ţhatzia hi AIR, Lunglei atang ka tlangaupui ta chiam a, Mizoram sorkar hnuaia Agriculture Department leh Horticulture department lamin project-ah neihin hma an rawn la ta a, Thlasik lai phei chuan Serchhip zawlpui ringawtah pawh hian Agriculture Department hmalakna-in an thar chhuak tam thei hle a, an thar hun hi Silchar lam thar hun nen a inrual ţhup avangin a hralhna man a to thei lo va.

Horticulture department hi mi dang thar hun lova thar theih turin off-season project a nei a, Thingtlang khuaa kut hnathawktute tan sum lakluhna ţha tak a ni.

 

Similar Articles

Top