You are here
Home > Zoram > YMA LUI HUMHALH CHUNGCHANG HI –Familia Fanai Lalţansanga

YMA LUI HUMHALH CHUNGCHANG HI –Familia Fanai Lalţansanga

YMA HI MI MAN THEIHNA THUNEITU PAWL AN NI EM?

Mipui mar deh nan Thu hi a buluk deuh zawngte pawhin ka ziak lui  ţhin a, YMA Hi Mi Man Theihna Thuneitu Pawl An Ni Em? tih ka post pawh a lehlam zawng tak chuan a hlawhtling hle a,  mi tam takin an comment a, an comment hi thumal 8,988 a tling hial a, ka save thlap a, chanchinthar.com http://chanchinthar.com/yma-hi-mi-man-theihna-thuneitu-pawl-an-ni-em/ ah hian ka seng lut leh vek a, chhiar a manhla hlawm khawp mai.

YMA sawisela bei ta chiamah min ngai ţhin a, chutiang chu a ni lo va. Responsible citizen kan nih angin mipui nawlpui ngaihdan ni lo thu hi a khat tawka kan ziak fo a ngai a ni. Democracy ramah hian freedom of expression hi kan right a ni a, mahni ngah dan leh mahni ngaihdan ni chiah lo pawh mipui rilru sukthlek hriat nan leh an mar deh nan kan ziak a thiang a ni.

Tlawmngaihna avanga lui dung humhalh hautak lutukte YMA-in kan hma leh ta zel hi a mak lehzel lutuk em? Sorkar emaw, pawl emaw-in Dan kan siam chuan a bawhzui nan leh dan kehkawh nan sum leh tha ‘resource’ tam tak a ngai ziah a. Lui dung humhalh thu kan puang dum dum a, lui dung veng turin YMA hian resource kan nei em? Department of Environment, Forests & Climate Change atang hian lui dung humhalh nan pawisa engzat chiah nge YMA hian a dawn? tihte ka han ngaihven hian a hming mai mai chauh hian pawisa an lo pe a ni si a.  Tichuan, lui dung humhalh chu YMA hian a hming mai mai leh a thuphung chauhvin em ni  an tih? tih zawhna chu a hming mai mai chu a ni leh lawi si lo. Ni tin lui dung vengin infehchhuak em? ti ila, an fehchhuak leh lawi si lo. YMA dan siam chu bawhchhia lo awm ta se, man an lo ngai leh si a. An mi mante chu eng tia tih tur nge ni ta ang? tih kha ngaihtuah leh a ngai leh ta zel a.

Tichuan, YMA chu Mizoramah pawl member ngah ber a lo nih si avangin politician te leh sorkar hian eng kimah hmanruaah hman vek a lo tum ta a. Veng thenkhatah phei chuan PWD kawng enkawltu-ah an hmang ţan tawh a, Ruihhlo do leh veh kawngah tha thawh  a lo ngai bawk a, zirna lam SSA nen thawhhona thuthlung an ziak tawh bawk a. Inthlan a lo hnai ta a, Ruling party MLA zawng zawngin vote zawn nan branch YMA  an intlawnsiak a, pawisa fai leh therhlo ila an pek vanglai a lo ni a. Hetih lai hian YMA hotu thenkhat chuan tunhma atang tawha YMA hi politic kailawna an lo hman tawh ang bawk a,  MLA chuh lo tum an lo awm tumhrang ve bawk a.

Ka han sawi tum tak chu YMA hian châng a tizau ta lutuk a, zawhloh ngawngkawl hi kan bat ta chu a ni ber mai lo maw? ka han ti a nih chu.

 

Similar Articles

Top