You are here
Home > Asia News > YANGON AIRPORT-A INKAHHLUMNA RAPTHLAK

YANGON AIRPORT-A INKAHHLUMNA RAPTHLAK

YANGON AIRPORT-A INKAHHLUMNA RAPTHLAK

Nimin khan Yangon Airport-ah U Ko Ni, legal adviser to Aung San Suu Kyi’s National League for Democracy (NLD) party chu hmun leh hmunah kah hlum a ni a, he tualtuahna hian khawvel a barakhaih chiang hle a, vawiin a vuina, Yayway Cemetery, North Okkalapa Township-ah mipui an pung khawm hnem hle a, Burma ramah hian political assassination hi thil awm khat tak a ni a, nimina hetiang inthahna lo thleng hian ngaih a tiţha lo hle ta a ni.

U Ko Ni hi constitutional lawyer lar tak a niin Muslim a ni a, dan anga Burma rama Muslim te hamţhatna tura a tha leh zung nasa tak senga bei rengtu a ni a, Indonesia ramah Rakhine rama Rohingya Muslimte harsatna chunchang sawihova Indonesia rama a zin lo haw chu Yangon Internatinal Airport Terminala a tupa pawm chunga taxi an nghah lai takin hmun leh hmunah a tukhumah pistol-a kah a ni a, a hnu lawkah a thi ta a ni.

A kaptu hi kum 53 mi Kyi Lin a ni a, taxi driver, U Nay Win , 48, in man tuma a um chu a lo kap leh bawk a, taxi driver pawh hi a thi niin an sawi.

_93866824_coffinreu
Aung San Suu Kyi chuan engmah a lo sawi chhuak rih lo va, National League for Democracy chuan thuchhuah siamin he tualthahna hi an dem tak zet thu leh firfiaka chetna hi NLD policy kalh tlat a nih thu an tarlang a ni.

U Ko Ni
U Ko Ni

Hmanni khan Thudik, dawt thu leng leh Aung San Suu Kyi tih thupui hmangin Indepth Analysis of Crisis of Mohingya Muslim in Myanmar tih ka  post kha chhiar a hlawh fu a, khata ka ziak ang khan Myammar ram Buddhist tamna ramah hian Muslim te hi an ngai thei lo hle a, ram leh hnamah an chiang hle a, Rohingya Muslimte khi an awmna rei hle tawh hle mah se khua leh tui nihna an pe duh miah lo va. Aung San Suu Kyi hian Burma ram tlangmi te nen the 21st Pangong Agreement siam leh a tum mek a, hei hi Burma sipai hotute hian tihtlawlh a tum vang nge, Aung San Suu Kyi tihmualpho dan hi a ngaihtuah ta em ni tih ngaihdan pawh a awm thei a, chumi thu kal zelah Muslim activist leh lawyer lar tak Burma sipai sawi chhe rengtu hi an dahţha leh ta mai em ni ang le?

_93871170_coffin2reu

A kap hlumtu lah hi Shan ram lama piang leh sei lian, Mandalay vel a khawsa ţhin niin an sawi a, a boruak hip  a hniam hmel hle si a…ngaihtuah tur a titam ta hle a ni.

_93866817_ambulanceepa

A tukhuma a kap dawn lai tak thlalak: BBC
A tukhuma a kap dawn lai tak thlalak: BBC

Similar Articles

Top