You are here
Home > Zoram > WINTER FESTIVAL 2017 KHAR

WINTER FESTIVAL 2017 KHAR

WINTER FESTIVAL 2017 KHAR

Winter Festival ni thum awh November ni 23, 2017 atanga Tuirial Airfield a neih chu vawiin khan Tourism Minister Pu John Rotluangliana chuan a khar.

vlcsnap-2017-11-25-21h08m34s329

Festival kharna inkhawm hi Pu Sangdingliana IAS, Secretary Tourism Department chuan kaihruaiin Deputy Speaker Pu R. Lalrinawma bakah sawrkar mi pawimawhte leh ram chhung leh pawn atanga zinmite leh Mizoram hmun hrang hrang atanga kal khawmten hun hlimawm tak an hmang a ni.

vlcsnap-2017-11-25-21h09m43s356

Tourism Minister Pu John Rotluangliana chuan thu sawiin Winter Festival hmasaber hlawhtling taka hman a ni chu lawmawm a tih thu a sawi a. Anthurium leh Thalfavang Kut te hmang tohlova a aiah Winter Festival hman thin anih tawh dawn thu a sawi a. Winter Festival chu Mizote tan chauh nilova ram hrang hrang atanga khualzinte hipna tur anih thu leh tu pawh tel theihna tura ruahman a nih thu a sawi a. Minister chuan Festival tiak ni ah nuam tawlna ni lovin thawhrimna atanga hahchawlhna hun hlimawm tak hmang turin kalkhawmte a chah a ni.

vlcsnap-2017-11-25-21h08m54s384

He huna thusawitu dang Tourism Secretary Pu Sangdingliana IAS chuan Mizorama Tourism hmasawnna tura hmalakna hrang hrang te tarlangin Thenzawl-ah golf course leh Chaltlang-Durtlang inkarah cable car siam hna thawh mek anih thu leh Rural home-stay program kalpui chhoh mek a nih thu a sawi a. Sakawrhmuituai tlangah skywalk siam tum anih thu sawiin Mizoram chu khualzin mite tana tlawh chakawm tak anih zel tur thu a sawi a ni. Winter Festival 2017 hi ni thum awh niin November ni 23 ah khan Deputy Speaker Pu R.Lalrinawma’n alo hawng tawh a.

Winter Festival hi Ministry of Tourism, DoNER leh NEC hnen atanga sum hmuh hmangin Mizoram Tourism Department in an buatsaih a ni.

Winter Festival 2017 ah hian stall 35 siam niin food court, kids playground, carnival, rifle shooting, paintball, archery, aeromodelling, paragliding leh hot air balloon te a awm a. Mi 5000 chuangin Festival hi an chhim ni a hriat a ni.

MNF sorkar lai khan sorkar laipuiin Mizorama tourist hip nan Kut chi hrang hrang siam turin an lo rawn a, sum leh pai chu sorkar laipuiin an tum tur thu an lo hrilh a. Kut chi hrang hrang kan han siam ve ta a, tourism lamah chuan kan hlawhchham lailet der a, sorkai laipui sum hi hman loh chuan a uiawm si a, awmze nei lovin kan hmang ta mai mai a, kut awmze nei lo kan siam kan siam ta mai zawng a nih hi.

 

 

Similar Articles

Top