You are here
Home > World News > WIKILEAKS VANGIN US DEMOCRATIC PARTY HOTUNU BANG DAWN!

WIKILEAKS VANGIN US DEMOCRATIC PARTY HOTUNU BANG DAWN!

WIKILEAKS VANGIN US DEMOCRATIC PARTY HOTUNU BANG DAWN!

Zirtawpni khan Wikileaks chuan US Democratic National Committee member te email 20,000 lai a tichhuak leh a, heng email atang hian Party hotute chuan Bernie Sanders aiin Hillary Clinton an duhsak uchuak hle tih hailan a nih tak avangin Democratic National Committee Chair Debbie Wasserman Schultz chuan ban a tum thu nizan khan a puang a, zanin-a țan tur ni 4 awh Philadelphia convention zawh fel veleh a bang dawn a ni.

Democratic National Committee Chair Debbie Wasserman Schultz
Democratic National Committee Chair Debbie Wasserman Schultz

Debbie Wasserman Schultz chuan President Barack Obama leh Hillary Clinton te a biak hnu-ah he thutlukna hi a siam fel ta a, Convention la ropui ber tur hi a hawnna leh kharna hun a hmang phawt ang a, hetah hian Michelle Obama leh Bernie Sanders pawhin thu an sawi dawn a, Hillary Clinton chu US Prresident chuh turin party official nomination an tifel dawn bawk a ni.

The Philadelphia convention is set to kick off on Monday
The Philadelphia convention is set to kick off on Monday

US President Barack Obama chuan Debbie Wasserman Schultz chu party tan tangkai taka hna a lo thawh avangin a fak a, lawmthu a hrilh bawk a ni.

Wikileaks avang hian khawvel hian thudik tam tak a lo hriat pawh tawh a, a dintu, Julian Assange  erawh thiam loh chantir hlau reng rengin mi embassy-ah a la biru a, America National Security Agency thuruk puangchhuaktu Edward Snowden pawh khan mipui tan rawngbawlna, public service a nei tha hle a, Russia ramah a la biru a. Keini ram ang third world-ah phei chuan sorkar hian thuruk hi a lo ngah em em a, a fawngvuantu te, an fatu te, leh an kutke sorkar hnathawkte hi lo hausa thur thur awm reng pawh hi an ni a.

_90502722_3fe23b2d-4e43-417e-b914-1d6b22971015

Education Minister Pu Rohluna chuan “Sorkar hnathawk zingah social media kaltlanga sorkar mawng hlim ching an awm a, kan en liam mai mai dawn lo” a la ti ta dah  a, sorkarna changtu, a fawng vuantute hi chuan  Fak leh    Chawimawi chiah hi an duh a, an chetchhiatna lai leh an thuruk puanchhuah chu an haw hle a ni.

_90502708_e9607bc7-2a03-4ce4-a7a1-67c69f9805fe

RTI Act te pawh sorkar laipuiin a siamchhuak a, a thuphung chuan sorkar hi langtlang vek tura beisei an nih laiin a theih chin chinah an thil tih ruk hi zep an tum hram hram zel  ni berin a lang a ni.

Similar Articles

Top