You are here
Home > Asia News > VAWRSEL PA IANG SUPREME COURT ROREL A THULTHO

VAWRSEL PA IANG SUPREME COURT ROREL A THULTHO

India rama rorelna sang ber Supreme Court chuan nikum December thlaa Governor JP Rajkhowa rawtna anga Arunachal Pradesh sorkar a lo țhiahna verdict chu sut lehin Nabam Tuki kaihhruai Congress sorkar chu sorkarna siam leh turin thuneihna a pe.

Supreme Court rorel tihchhuah a nih hnu lawk hian Nabam Tuki chuan  New Delhi state guest house-ah Arunachal Chief Minister nihna  a la leh ta nghal. Nakinah floor test a hmachhawn a ngai thung dawn a ni.

Supreme court thuchhuak chuan Governor JP Rajkhowa chu na takin a khak a, Governor chuan rilru puilting tak hmangin state sorkar hnuaia party te buainaah party tan lam nei lovin thutlukna a siam tur a ni a, party hruaitu pawh a lo ruat ve ringawt tur a ni lo va, Supreme Court rorel hi a zah tur a ni.an ti.

Congress Vice President Rahul Gandhi chuan, Supreme Court-in Prime Minister Modi  hnena democracy awmzia an zirtir avangin a lawmawm hle a ni, a ti.

Delhi Chief Minister Arvind Kejriwal chuan Uttarkhand-ah a ni tawh a, tunah Arunachal Pradesh-ah a lo ni leh ta a, Modi sorkar hian India dan pui Constitution leh democracy hi a zah tur a ni a, a tan chuan Supreme court rorel hi zirlai thar țha tak a ni, democracy rama sorkar reng reng hi mipui thlan an ni tur a ni tih hi lo hre tawh rawh se, a ti.

Similar Articles

Top