You are here
Home > Zoram > VAWIINAH NAUPANG 3 TUIAH TLA HLUM

VAWIINAH NAUPANG 3 TUIAH TLA HLUM

VAWIINAH NAUPANG 3 TUIAH TLA HLUM

Vawiin chaw hma dar 10 vel  khan Champhai Tlangsama unau 2, Lalbiakfela (7) leh Lalngaihkima (5) te chu Champhai zawl leilet kam tuikhuahah an tla hlum.

Lalbiakfela (7) leh Lalngaihkima (5) te ruang
Lalbiakfela (7) leh Lalngaihkima (5) te ruang

Vanduaina tawkte hi Pu.V.L. ruatkima Fanai fate 2,an ni a, Lalbiakfela (7) leh Lalngaihkima (5) te an ni a,  an tlakhlumna dil hi NREGS atanga Tlangsam VC te’n community Farm Pond an siam a ni a, Lalbiakfela leh Lalngaihkima te unau hi an chhungte inah kalin tukțhuan an ei nghal a, an ei kham hian dilah tui cheng turin an kal a, Lalngaihkima kum 5 mi zawk hi tui-ah a lut hmasa zawk a, an rawn lan hare m avangin a u Lalbiakfela kum 7 mi hian a nau chhan tumin tuiah hian a lut ve nghal a, an kalpui Lalmuanchhana chuan an pil rei tak em avangin an chhungte a pun a, a hnu rek vak lovah an ruang hi lakchhuak a ni ta a ni.

Hetih lai hian vawiin chhun dar 12 vel khan Lalrinawma, kum 13 mi Mamit Bazar veng, Pu J.H.Lalrinfela fapa chu Teirei luiah a tla hlum bawk.

Lalrinawma, kum 13
Lalrinawma, kum 13

Lalrinawma leh a țhiante hi Teirei luia Bawngva kai-a inchiah dai tura an kal chu tawlhthlu palhin tuiah hian a tla ta a, a kalpuite hian tui an thiam loh avangin an chhan thei mai lo va, tui thiam in an lakchhuak chuan chhan theih a ni tawh lo a ni.

vlcsnap-2016-09-24-19h33m16s551

Lalrinawma hi Salvation Army, Mamit leh Tuidam CO bial SAY Joint Meet Darlaka neih mekah Pipe Band member-ah a tel ve-in naktuk hian rimawi tum tura kal a ni.

Similar Articles

Top