You are here
Home > Asia News > VAWIIN PARLIAMENT BORUAK A ȚANG DAWN KHAWP!

VAWIIN PARLIAMENT BORUAK A ȚANG DAWN KHAWP!

  • Prime Minister Narendra Modi chuan tukin khan senior minister hmuin vawiin lam parliament-a opposition party tangrualho hmachhawn dan tur a sawihopui a, pawisa tihthih chungchangah opposition tangrual pawl chuan boruak siam an tum hle dawn a, vawiin parliament boruak chu a lum mai pawh ni lovin a sa hle dawn a ni.

 

  • Nizankhan PM Modi chuan politicalparty tin hruaitute kawmin black / untaxed money laka crusade a neih mek chu thlawp turin a ngen a, inthlannaa sumdawng hausate leh sorkar hnathawk mi liante’n politiciante pawisa an tanpui chungchang thleng sawiho a inhuam thu a hrilh hlawm a ni.

 

  • Opposition party; Congress, Trinamool Congress, Bahujan Samaj Party, Samajwadi Party, Janata Dal-United, Left leh party dangte inhmukhawmin pawisa tihthih chungchanga BJP party an beih dan tur an sawiho thung a ni.

 

  • Congress hruaitu hlun Ghulam Nabi Azad chuan pawisa tihthih tawh chu sut leh a phut loh thu a sawi a, mahse pawisa tihthih tur BJP hotu lawk thenkhatin an lo hre lawk a, kha thil kha thil tha lo tak a nih bakah “currency scam” a  tling a ni, a ti.

 

  • Opposition party te chuan pawisa tihthih chungchang chhui chiang tur Joint Parliamentary Committee or JPC din an phut tlat tur thu an sawi bawk a ni.

 

  • West Bengal Chief Minister Mamata Banerjee pary Trinamool Congress chuan vawiin hian pawisa tihthih sut leh turin parliament atangin Rashtrapati Bhawan thleng kawng an zawh dawn a, President hnenah pawisa tihthih sut leh tura ngenna lehkha an thehlut dawn a ni. He kawngzawh hi Arvind Kejriwal party, Aam Aadmi Party leh Omar Abdullah party the National  Conference te’n anthlawp dawn a ni.

 

  • Sushil Chandra, chairman of the Central Board of Direct Taxes, chuan pawisa che velah rinhlelhawm an awm chuan an dap nghal thut thut zel niin India Today a hrilh a, an beng an chhi reng a ni, a ti.

 

  • Arvind Kejriwal chuan Prime Minister Narendra Modi chu Gujarat Chief Minister a nih lai khan Birla Group hnen atangin cheng vbc 12 thamna la-ah a puh a, BJP chuan thubelhchian dawl lo tak a ni, an ti thung.

 

  • Vawiin parliament an tan lai hian External Affair minister Sushma Swaraj chu a kal that loh, kidney failure avangin AIIMS-ah dialysis an ti mek a, a kal thlak a ngai dawn niin an sawi.

Similar Articles

Top