You are here
Home > Zoram > VANTAWNG KHAWH THLA SAN ZAWNG METRE 99 CHAUH – Zotrek

VANTAWNG KHAWH THLA SAN ZAWNG METRE 99 CHAUH – Zotrek

Zotrek Youth Adventure Club te chuan vawiin khan Aizawl Press club-ah Thuthar lakhawmtute kawmin, Mizoram hmun hrang hranga Tuikhawhthla an lo teh tawh te san zawng dik tak an puangzar.

Zotrek Youth Adventure Club te hian Mizoram tuikhawh thla an lo teh tawh zingah Mizorama tuikhawthla sang bera ngaih Vantawng khawh thla san zawng, tun hma a an lo chhinchhiah dan chu metre 229 anih laiin, tun hnai a Zotrek Youth Adventure Club ten Vantawng khawh thla san zawng an teh ţhat leh a a landan chuan metre 99 chauha sang a ni tih an hmu chhuak tih an sawi. Zotrek Youth Adventure Club te hian Vantawng khawh thla san zawng hi Hruizen, Measuring Tape leh Khawl; Altimetre hmang a teh in, tunhma a Mizo ten Vantawng Khawhthla san zawng kan lo hriat dan leh kan lo pawm thin dan kha a lo dik lo tih an hmuhchhuak tih an sawi.

Zotrek Adventure Club te hian kum 2015 March ni 4 khan Kau Tlabung, Khawhthla Sang an lo teh tawh a. He tuikhawhthla hi Hydel Project Tuikhuah a nih tak hnu ah kumtluana tui khawhthla a nih tak loh thu an sawi a, a khawh thla hi metre 120.1 a sâng a ni an ti. Tunhnaiah Zotlang Youth Adventure Club, Lunglei te nen July ni 6 – 8 chhung khan Joint Expedition nei lehin, Khawiva kham an teh a, a san zawng chu 83 meter a nih thu an sawi bawk a ni.

Zotrek Youth Adventure Club te chuan Mizoram chhungah hmun nuam leh tlawh chakawm tak tak te kan neih te Sorkarin a enkawl danah an duh khawp lo hle tih an sawi a. A nihna bo thak khawp leh, thangthar te tan a hlutna bo vek khawp a a hmunhma chei bawl a ni thin chu pawi an tih thu an sawi bawk.

 

Courtesy : DDK Aizawl

 

Similar Articles

Top