You are here
Home > Health > VAN MAWNG PAWP INTHAWM HAR

VAN MAWNG PAWP INTHAWM HAR

VAN MAWNG PAWP INTHAWM HAR

Van mawng pawp han tih lemah van sanga boruak chi khat Ozone pan lutuk sawina kha a ni a. Tun hnaia an zirchianna atanga a landanin khawvel pum huapa chlorine lam tel chemical an siamchhuah tam lutuk avangin Ozone pan inthawm khat leh tur chu a muan phah a, kum 30 laiin a muan phah an rin thu University of East Anglia-a  Dr David Oram  chuan a sawi.

_98284115_c0268968-antarctic_ozone_hole_maximum_2015-spl

Researchers reported in 2015 that there was clear evidence of healing in the ozone hole

Oxygen hi atom pahnih inbelhkhawm O2 @ dioxygen a ni a, Ozone hi atom pathum inbelhkhawm O3,trioxygen a ni thung a, van sang boruak awmna hi a san zawng azirin a hming hran hran an phuah a;-

  • Exosphere: 700 to 10,000 km (440 to 6,200 miles)
  • Thermosphere: 80 to 700 km (50 to 440 miles)
  • Mesosphere: 50 to 80 km (31 to 50 miles)
  • Stratosphere: 12 to 50 km (7 to 31 miles)
  • Troposphere: 0 to 12 km (0 to 7 miles)

Tichuan Ozone hi van sang km 12 atanga km 50 inkar Stratosphere-ah khian a inphan a, Ni zunga ultraviolet (UV) radiation lo hip raltu a ni a. Ozone scientific hming (IUPAC names) chu 1,3λ1-trioxidane leh  catena-trioxygen te a ni a.

A boom in the use of PVC for agriculture and construction is part of the problem
A boom in the use of PVC for agriculture and construction is part of the problem

Thawk khat lai khan Mizo ramah Pathian thu sawi thiam, mi sawiṭhaih ching, Insawiṭhaih theologian leh Evans ho khan mi an sawi ṭhaih chiam tawh kha a ni a, an sawi ang em chu a lo ni lo va.  Pathianin a siam, ṭha leh mawi a tih em em khawvel hi chuti maia chhe thut thei a ni lo, amah leh amah a insiamṭha (sustain) leh zel thei a ni.

The Bachok air sampling site in Malaysia where samples used in this study were captured
The Bachok air sampling site in Malaysia where samples used in this study were captured

Thawk khat lai khan khawvela mihring pung chak lutuk population explosion kha an buaipui chiam chiam a, hun a lo kal zel a, khawvel hmasawnna-in a rawn kentel nawmsakna malsawmna chu kan hmang thiam lo va, Cancer, HIV/AIDS, thisen sang, zunthlum, lungphu chawlin kan thi leh puk puk chu a ni mai a, khawvela mihring tam lutuk tur kha amah leh amah bawkin a lo inveng leh ta mai a nih hi! Malsawmna hi midangin an chhia min lawh kher ngai lovin keimahni nun fimkur loh avangin anchhia, thihna, dam rei lohna, natna benvawn  veinaah a lo chang leh mai zel a ni. Malsawmna effect hi a tha lo zawnga kan chantir loh nan nun fimkhura ei leh in uluka taksa insawizawi fo a pawimawh em em ta a ni.  

Cancer te pawh hi vanduai mangkhawng a nihna lai chu awm teh meuh mah se kan thil chin ṭha lo; sa leh thau ei ṭeuh ṭeuhva sihal sa ven lawih lawihte, zuk leh hmuam chin dawklak te, awm mai mai te kan sim a, thlai leh thei ei tama taksa sawizawi ziah chuan  eng emaw chen hi chu a ven theih tih hi cancer lam mithiam oncologist te thil hmuhchhuah chu a ni.

Tunlai thiamna avangin plastic lam hi kan hmang nasa ta em em mai a, heng polythene, sylpoline, plastic pipe chi hrang hrang hi polyvinyl chloride @ PVC an ti a, siamna chemical hming chu Dichloromethane a ni a, he chemical hian van mawng pawp, Ozone pan tial tial inthawm ṭha leh tur chu a tichingpen ta a, a muan phah ta a ni.

China ramah hian industry a lian nasa mai a, Dichloromethane hmangin plastic hmanrua chi hrang hrang an siam nasa lutuk a, chu chuan America ram leh England ram thil siam aiin China hian Ozone a tikhawlo nasa niin journal Atmospheric Chemistry and Physics-ah chuan an ziak a, China an dah offside leh ta hle a ni.

 

Similar Articles

Top