You are here
Home > Asia News > VAN ATANGIN KAHPATHIR MUM HRAWL PUI BURMA RAMAH TLA

VAN ATANGIN KAHPATHIR MUM HRAWL PUI BURMA RAMAH TLA

Burma ram hmar lam lunghlu laihna hmunah van sang tak atangin kahpathir mum lian pui mai a tla niin tualchhug chanchinbu te chuan an sawi.

He thir mum lian pui mai, a lai kawrawng hi Ningani khan Kachin State lunghlu chi khat lung hring, Jade  laihna hmunah a tla a, he thir hmum hi feet 15 laia sei niin a lai hawlhtlang hi feet 3 leh a chanve deuh thaw a ni.

He thir mum hian lei a den rualin sang takah, feet 150 laia sang a sawt leh a, chumi hnuah chirhdiakah a tla ta a ni.

He thir mun tlak rual hian thir dang pakhat, China hawrawp inziak chuang chuan in pakhat chung a deng bawk a, hliam an awm lo hlauh a ni.

Heng thir mun te hi China Satellite atanga rawn tla ni turah an ngai a, Nilaini khan China sorkar chuan Jiuquan Satellite Launch Centre atangin Chinese Long March 11 rocket chu aitechhina angin vansangah a kap chhuak a, he rocket hian experimental satellite a phur tel a ni.

BBC science correspondent Jonathan Amos ngaihdan chuan heng thir mum hi rocket stage an tih rocket inthuahthip zinga  a kăwr, stage pakhat niin a ring  a, heng rocket stage hi mihring chen lohna tuifinriat chunga tla tura ngaih a nih thin thu a sawi bawk a ni.

Similar Articles

Top