You are here
Home > Sports > USAIN BOLT BAWKIN 200m GOLD MEDAL LA LEH TA

USAIN BOLT BAWKIN 200m GOLD MEDAL LA LEH TA

USAIN BOLT BAWKIN 200m GOLD MEDAL LA LEH TA

Khawvela tlanchak ber Usain Bolt chuan men’s 200m intlaksiak-ah pakhatna ni lehin Gold Medal a la leh ta a, Olympic a zawna țum thuma 100m, 200m and 4x100m relay-a Gold medal lak vek ‘treble treble’ a beiseina  a la tinung thei reng a, 4x100m relay hi naktuk hian an intihsiak leh dawn a ni.

RIOEC8J0568SG_768x432

An intlansiakna muala mipui zawng zawngin Usain Bolt hming lam riin an lawmpui nan an au ri dur dur a, țek vawi 2 a tihtlakna a ni ber e.

Tun tumah hian Usian Bolt hi 200m hi 19.78 seconds-ah a tlan thleng a, a muan ber tum a ni zawk a, hai ang ka tar ve ta a ni, a ti. 2008 Beijing Olympics-ah khan 19.30 second-ah a tlan thleng a, world record a ni a, 2009 World Championships, Berlinah khan 19.19 second-ah a tlan thleng a, world record bawk a ni.

Tichuan, Usain Bolt hian Rio 2016 Olympics-ah hian men’s 100m leh 200m-ah gold medal a la ve ve ta a, Olympic gold medal 8 a la tling ta tihna a ni a, naktuka a chetthat leh phei chuan gold medal 9 lai a awrh dawn ta a nih chu.

He Jamaica mi khawvela tlanchak ber maia hian February thla khan a lo sawi tawh a, 2017 World Championships-a a tel hnu-ah chawlh zai rel a tum ve dawn a ni.

2008 kum atanga kumin thlenga țangmar reng thei chu a fakawmin keini Mizo thisen sang leh zunthlum vei tam em em hnam tan hian entawntlak  a va ni teh lul em!

_90840861_bolt_getty2

Similar Articles

Top