You are here
Home > Sports > US TUI HLEUH THIAMTE’N SUAM AN TAWK LO – RIO POLICE

US TUI HLEUH THIAMTE’N SUAM AN TAWK LO – RIO POLICE

US TUI HLEUH THIAMTE’N SUAM AN TAWK LO – RIO POLICE

UAIN HI NUIHZATBURA MI SIAMTU A NI- THUFINGTE

Vantlang thil tihchhiat lam a ni zawk.
Vantlang thil tihchhiat lam a ni zawk.
Gunnar Bentz and Jack Conger were questioned at a Rio police station after being taken off a US-bound plane
Gunnar Bentz and Jack Conger were questioned at a Rio police station after being taken off a US-bound plane

Rio de Janeiro Olympics-a tel US tui hleuh thiam 4 chuan suam an tawk lo a ni tih Rio Civil Police hotu Fernando Veloso chuan nizan Rio police headquarters-a  news conference-ah  chanchinbu mite a hrilh.

Heng mi 4 te hian petrol station-ah thil tihchhiat an nei a, an tihchhiat man chawitir an ni a, an zinga pakhat rui lungpuam chetdan mawi lo tak avangin  security guard pakhat inrawlh a ngai ta hial a,he security guard hian  a silai chu a phawrh ngei a, insuamna lam a ni lo, a ti.

Heng US tui hleuh thiam 4 zinga 3 chu Brazil ramah an la awm  a, gold medallist Ryan Lochte erawh chu thawhtanni khan a lo thlawk haw hman tawh a ni. Gunnar Bentz leh Jack Conger te chu thlawh haw an tum mek laiin air port-ah Rio Police te hian thu zawhfiah atan an la ta a ni.

Veloso chuan heng US tui hleuh thiamte hian suam an tawk nia an sawi dan an thlak danglam reng a, Mr Lochte kha zu a rui lutuk a, a thinrim em em bawk a ni, a ti.

A sawizelnaah Veloso chuan Rio khua mipuite rilru a dam thei lo va, khawvel mi ropui, mite entawn chetdan leh thusawi belhchian dawl si lo hian Rio mipuite rilru a tina a, ngaihdam an dil hi an phut tlat a ni, a ti.

Intihhlim an tumna lamah thil tihsual palh an nei a ni ve mai-ah kan ngai a, ngaihdam an dil a nih chuan thubuai siamsak em em pawh kan tum lem lo, a ti.

Ryan Lochte: 12 Olympic medals
Ryan Lochte: 12 Olympic medals

Sunday 14 August

  • Ryan Lochte nu chuan US media te hnenah a fapa chu Rio de Janeiro-ah suam a tawk tih a hrilh.
  • Lochte chuan club atanga an hawn lamin an taxi chuan chu silai kengin a tiding a, alu-ah silaia tin chungin a pawisa neih an laksak niin a sawi.
  • He thil hi Lochte chuan police-ah emaw US Olympic Committee -ah emaw a report lo va, TV report atangin Rio police te chuan he thil thleng chungchang hi an hre ve chauh va.

Monday 15 August

  • He thil thlen dan chhuitu Rio police te chuan heng tui hleuh thiamte thusawi a in ang lo nuai hlawm tih an hmuchhuak.

Tuesday 16 August

  • CCTV footage-ah chuan Heng tui hleuh thiamte hotel an lo thlen lai hian an hlim hle a, an nui bawk bawk a, an infiam a, lungngaihna lam reng reng a lang lo.

Wednesday 17 August

  • Ryan Lochte chuan suam tawk anga an sawi khan thu dik ziktluak lo a nih thu a sawichhuak a, dawt hulhual chu a ni lo a ti leh bawk si.
  • Brizilian judge chuan heng mi 4 te passport man phalna warrant a tichhuak, a kaikuang ber Mr.Lochte chu an lo haw hman tawh.
  • Gunnar Bentz leh Jack Conger te chu thlawh haw an tum lai takin Rio de Janeiro airport-ah thu zawhfiah atan man an ni.

Thursday 18 August

  • Brazilian police te chuan nizan khan thil awmdan sawifiahna an nei ta a, suam tawk anga an sawi kha a lo ni reng reng lo va, Olympic Park atanga km 16-a hla Barra da Tijuca petrol station bathroom kawngkhar pakhat an tihchhiat avangin heng tui hleuh thiamte hi hren an niin , chhuatah țhu tura thu pek an ni zawk tih CCTV atang a lang reng.
  • Gunnar Bentz leh Jack Conger te chu Rio police thana-ah thu zawhfiah an ni.
  • Rio civil police hotu chuan he mite sawi ang hian insuamna a awm lo va, bathroom kawngkhar an tihchhiat avanga pawisa chawitir an nih thinrim atanga he thu hi rawn irhchhuak a ni, a ti.

He US tui hleuh thiamte hi mi ropui tak tak vek an ni a, Lochte phei chuan Rio 2016 Olympics-ah  gold medal 4 ngawt a la a, gold medal 12 lai a la tling tawh a,  mi dang pawh hian US team angin gold an la vek a ni.

An zu rui an lo nawi palh a, Solomona thufing “Uain hi nuihzatbura mi siamtu a ni” a tih kha Kum 2500 hnu lamah pawh a lo la dik reng a ni.

James Feigen won gold in the 4x100m freestyle relay
James Feigen won gold in the 4x100m freestyle relay

 

Similar Articles

Top