You are here
Home > Uncategorized > US NATIONAL SECURITY NGAIH PAWIMAWH TUR CHU RUSSIA LEH CHINA-TE AIA RALTHUAM NEIH ŢHAT – James Mattis

US NATIONAL SECURITY NGAIH PAWIMAWH TUR CHU RUSSIA LEH CHINA-TE AIA RALTHUAM NEIH ŢHAT – James Mattis

US NATIONAL SECURITY NGAIH PAWIMAWH TUR CHU RUSSIA LEH CHINA-TE AIA RALTHUAM NEIH ŢHAT  –  James Mattis

al-Qaeda pawlte’n kum 2001 September ni 11-a Wortld Trade center thlawhna pahniha a sut chim atang khan kum 20 deuh thaw chu America ram hian khawdang hawi hlei thei lovin  Afghanistan, Iraq leh Syria ram chhunga hel pawl leh firfiak pawl hrang hrang beih nan hun leh sum leh pai a hmang nasa a, tunah chuan mi lu tanbun ching ISIS/IS/ISIL lalram a lo kin ta bawk a. America ramin a tinzawn tur ber chu ralthuam neih ţhat kawnga Russia leh China ram te aia chungnung hrim hrim a ni dawn ta a ni.

Aircraft carriers project US military power across the globe
Aircraft carriers project US military power across the globe

Johns Hopkins School of Advanced International Studies, Washington, D.C-a thu a sawinaah Defense Secretary Jim Mattis chuan, firfiak pawl do aia ngaih pawimawh kan nei ta a, chu chu ralthuam neih ţhat lamah Russia leh China te aia ropui kan tum tlat dawn a ni, a ti.

united-states-defense-strategy

Hetiang ruahmanna lian tham tak an neih avang hian US President Donald Trump chuan Congress-ah military funding atan 10%@$54bn (£43bn) lai tihpun a dil dawn a, dan siamtute chuan he dilna hi lo ngaih pawimawhsak a phar thlu hram turin an ngen bawk a ni.

eight_col_mattis

America hi khawvela sipai leh ralthuam lam atan sum, budget nei hraw ber a ni a, kum 16 lai hel pawl a beih chhung hian an ralthuamte leh an sipai inrelbawl danah a ţit-ek lai te, a tui-ek laite leh a pat-ek kai laite a awm tawh tih hi phat rual a ni lo va, chumi thawm ţha thuai thuai-a Russia leh China te aia ralthuam neih ţhat chu US President Donald Trump thurolum a lo ni ta ber a nih chu.

download

 

Kum 2000-2015 inkara US military expenditure ($ billion) lo thlir thuak ila:

  • 2000- $302 billion
  • 2001-$313 billion
  • 2002-$357 billion
  • 2003- $415 billion
  • 2004- $465 billion
  • 2005- $503 billion
  • 2006- $528 billion
  • 2007- $557 billion
  • 2008-$621 billion
  • 2009- $669 billion
  • 2010- $698 billion
  • 2011- $711 billion
  • 2012 – $685 billion
  • 2013 – $640 billion
  • 2014 – $610 billion
  • 2015 – $596 billion

Source ; Stockholm International Peace Research Institute & BBC

Similar Articles

Top