You are here
Home > World News > US LEH RUSSIA INLAICHINNA ȚHA NEIH DUH LO TUTE HI MI Ă TAK AN NI- DONALD TRUMP

US LEH RUSSIA INLAICHINNA ȚHA NEIH DUH LO TUTE HI MI Ă TAK AN NI- DONALD TRUMP

US LEH RUSSIA INLAICHINNA ȚHA NEIH DUH LO TUTE HI MI Ă TAK AN NI- DONALD TRUMP

US President-elect Donald Trump  chuan US leh Russia inlaichinna țha neih duh lo tute chu mi fing tak an ni lo tiin a tweet nasa hle a, US intelligence hotute’n US inthlannaah Russia President Putin a in rawlh ngei a ni tih an sawi chu a awi lo hle a, Russia leh US kan thawhho hian khawvel buaina tam tak hi kan chingfel thei dawn a ni, a ti.

_93307858_037046221-1

Donald Trump chuan Democrats te chu an server te an veng fimkhur lo chu a mawhchhiat a, an fimkhur lo lutuk a ni, a ti bawk.

Vawiina a tweet-ah chuan Russia leh US inkungkaihna țha neih chu thil tha lo ni lovin thil tha zawk a ni a, a duh lotute chu mi â tak tak an ni hlawm a ni, a ti.

_93307860_036427663-1

Democrat party mi leh sate’n US President inthlannaa hacking chungchang an sawi vawng ta vak mai chu an chak lo zah zel mai mai a nih thu a sawi bawk.

_93307854_tweetone

_93307855_tweettwo

_93307856_tweetthree

Vawiin khan US intelligence hotute chuan Donald Trump chu hacking chungchang hrilhhriatna, briefing an nei a, US inthlannaah khan Hillary Clintlin chak lohtir dan ngaituah turin Russia President chuan Russia intelligence te  hma la turin a hriattir ngei niin an hrilh a, mahse a finfiahna chipchiar erawh an puangzar lo a ni.

Donald Trump chuan US  intelligence te thawhrimna chu a fak rualin an thusawi erawh chuan a rilru a hmin thei zan lo deuh a ni.

US President a nih hunah chuan Russia hian America ram chu a zah hle tur thu Donald Trump hian a sawi bawk a ni.

Donald Trump chuan US intelligence hotute’n  hacking chungchanga amah an hrilhfiah, briefing an neih hun tur an sawn hla kha a nuihzat hle a,  finfiahna chiang tak an la nei lo va, an inbuatsiah țha leh dawn a ni ang e, a ti a, hei hi US intelligence lam FBI,CIA leh US Department of Homeland Security te chuan an helh hman hle a, vawiin khan briefing chu an pe ta nge nge a, a rilru an la hmin thei ta chuang  lo a ni. US President tur berin an ram intelligence te thu leh hla a awi duh tlat loh chuan a luhaithlak ve hle dawn a ni.

Similar Articles

Top