You are here
Home > World News > US JET F-15 IN IRAN DRONE KAPTHLA LEH TA – BBC & CNN

US JET F-15 IN IRAN DRONE KAPTHLA LEH TA – BBC & CNN

US JET F-15 IN IRAN DRONE KAPTHLA LEH TA – BBC & CNN

US thuneitute chuan Syria ram sorkar tanpuitu Iran sorkar siam pilot tel lo indona hmun enthlithlai tura remote control hmanga an thunun, drone chu US indo thawhna F-15 in a kahthlak thu an puang.

F-15 US FIGHTER
F-15 US FIGHTER

He drone hi ralthuam phur a niin US leh a thurualpuite tan chhiatna thlen thei nia an ngaih avanga kapthla an nih thu an sawi lang tel bawk a ni.

IRAQI DRONE
IRAQI DRONE

He drone hi US thawhpui helte tawmna hmun Tanf khaw bulah kahthlak a ni.

_96567407_syriatanf062017

US sipai thuneitute chuan he drone hi Syria ram Thawhtan zan zan lai pelh hnu hret , 21:30 GMT khan kahthlak a nih thu an puang.

IRAQI DRONE
IRAQI DRONE

BBC defence & diplomatic correspondent Jonathan Marcus chuan Syria khawchhak lam ram ISIS hmun luah ţhin ram zau tak chu Russia thurualpui Syria leh Iran tangrual pawl leh America leh a thawhpui helte hian an inchuh mek a, chuvangin US indo thlawhna te hian Syria indo thlawhna pakhat leh Iran siam drone pakhat chu a kapthla ta a ni, a ti.

170618170817-raqqa-syria-map-exlarge-169

US thuneitute thupuan dang leh pakhatah chuan thla hmasa daih tawh khan US indo thlawhna te bomb thlak avangin IS puithiam lalber  Turki al-Binali a thi niin an tarlang bawk a, he thu hi nemnghehna chiang taka wm lo mah se, IS te chuan an puithiam lalber thih thu hi an puang a, eng vangathi nge tih erawh an sawi lang lo thung a ni.

_96362912_iraq_syria_control_31_05_2017_624_16x9_map

Chawlhni tlai lama US jet pakhatin Syria sorkar indo thlawhna Su-22 fighter bomber a kahthlak avangin Russia a lungawi lo hle a, Syria ram Euphrates luipui khawthlang lama rawn tlawk US indo thlawhna reng reng lo bitum. (target) chat chat a tum thu a lo puang tawh a, inralsai palh venthawn thila US leh Russia chanchin inhrilhhriatna hotline pawh an titawp hmiah ta bawk a ni.

Nimin khan Russian Deputy Foreign Minister Sergei Ryabkov chuan US chu firfiak pawl humah leh thawhhopuiah a puh a ni.

Iraq in Syria hel pawl missile in a kap
Iraq in Syria hel pawl missile in a kap

IS hmunpui Raqqa-ah IS te dinhmun a chaurau ta hle mai a, chaurau-ek an thai ţan mek a,  IS an awm tawh loh hunah helai hmun pawimawh tak, tuialhthei tamna ram hi tuin nge luah ta ang tih lai tak kha tuna Syria rambuaia zawhna pawimawh tak chu a lo ni ta a. Mi kuta sa hrang hmu lian an tih ang khan, US hian helai ram tha hi Russia leh a thurualpui Syria leh Iran kutah a tlu lut palh ang tih hi a hlauh ber a ni a.

Iraq in an ram tangin Syira ram missile in a sai
Iraq in an ram tangin Syira ram missile in a sai

Mi fate hi an â lo va, Russia leh US em hi chu Syria ram buai avang hian an indo duh lo tawp ang tih chu a chiang reng a, ţawngkam hriam tak tak hmanga han invau erawh an politics a ni a, Syria ram khawchhak lam Raqqa hi tu nge chang zawk ang tih hi a pawimawh zawka chu a lo ni ta a ni.

Similar Articles

Top