You are here
Home > Sports > UNION MINISTER IN MFA FOOTBALL ACADEMY DINSAK TIAM

UNION MINISTER IN MFA FOOTBALL ACADEMY DINSAK TIAM

UNION MINISTER IN MFA FOOTBALL ACADEMY DINSAK TIAM

Union Minister of Youth Affairs and Sports Vijay Goel chu zan khat riak turin vawiin khan Mizoram a lo thleng a, Sairang Dinthara Mizoram Football Association khelmual tlawhin MFA hlawhtlinna lawmpui nan Football Academy dinsak a tiam.

img_8708_1498482529

Vijay Goel  hi Chief Minister Pu Lal Thanhawla, MFA President leh Information minister ni bawk Pu Lal Thanzara leh Sports Minister Pu Zodinthluanga te bakah Parliamentary secretary Pu Hmingdailova Kiangte leh Sports & Youth Services-te’n an lo dawngsawng a, Sihhmuia Suaka Cricket Ground a tlawh bawk a ni.

vlcsnap-2017-06-26-19h01m38s108

UNION MINISTER OF STATE FOR YOUTH AFFAIRS AND SPORTS LO ZIN

vlcsnap-2017-06-26-19h03m11s710

Union Minister of State for Youth Affairs and Sports Pu Vijay Goel chu zan khat riak turin vawiin chawhnu khan Aizawl a lo thleng.

img_8702_1498482537

Pu Vijay Goel chuan Mizorama Cricket Stadium puitling awm chhun, Suaka Cricket Stadium, Sihhmui a tlawh hmasa ber a. Cricket Stadium-ah hian Mizoram Chief Minister Pu Lal Thanhawla nen inkawmna hun an nei a. Mizoram Sports Department hotute leh Cricket Association of Mizoram (CAM) aiawhte pawh he inkawmhonaah hian telin, Cricket lama an hmalakna leh hmachhawpte an sawiho a; Cricket Association of Mizoram (CAM) chu Cricket National Governing Body – Board of Control for Cricket in India (BCCI) hnuaia in affiliate an la hmabak chungchang te sawi tel a ni a. Hemi bakah hian Eco-Tourism lama Mizoram chhunga hmalaknate Chief Minister chuan Union Minister of State chu a sawipui a, Eco-Tourism lama project lian tham kal mek Thenzawl Golf Resort leh Bairabi-Sairang rel kawng laih mek chungchang te an sawiho a ni.

img_8698_1498482542

Union Minister of State for Youth Affairs and Sports chuan FIFA Football Ground, Sairang a tlawh zui nghal bawk a. A hmunah hian Health Minister leh Mizoram Football Association (MFA) President ni bawk, Pu Lal Thanzara, leh Mizoram Football Association (MFA) aiawhten lo hmuakin inkawmhona hun an hmang a ni.

img_8688_1498482546

Pu Vijay Goel chuan thu sawiin hun chep tak karah Mizoram Sawrkar in tha taka amah an lo dawngsawg chu lawmawm tiin, football lamah Mizoramin hmasawnna chak tak a nei chu ngaihsanawm leh entawn tlak a tih thu kalkhawmte a hrilh a. Mizoram Sawrkar leh Mizoram Football Association (MFA)-te thawhrimna fakin Khelo India, Santosh Trophy, I-League, National Sub-Junior leh National Junior level-ah te nihna sang tak an chelh chho mek chu a lawmpui thu a sawi a, India ram state dangah te pawh hetiang ang hmasawnna hi thleng tura sawkarin a duh thu a sawi a.

vlcsnap-2017-06-26-18h56m42s491

Union Minister-hi Sports and Youth Services Minister Pu Zodintluanga, Parliamentary Secretary for Sports and Youth Services Pu Hmingdailova Khiangte, Department of Sports and Youth Services Secretary Pu HL Rochungnunga, IAS, Department of Sports and Youth Services Director Pu Zothanmawia, Aizawl Bawrhsap Pu Kannan Gopinathan, IAS, Mizoram State Sports Council (MSSC) Secretary Pu C. Laltlanthanga, Sports Authority of India (SAI) hotute leh sawrkar department dang aiawhten Lengpui Airport-ah anlo hmuak a. Suaka Cricket Stadium, Sihhmui leh FIFA Football Ground, Sairang a tlawh na ah an tawiawm nghal bawk a ni.

Pu Vijay Goel hian naktukah AR Lammuala 11 Million Football Festival a hmanpui dawn bakah sawrkar hotute leh Sports Association aiawhte a kawm bawk ang.

 

WRITTEN BY C. LALREMRUATI,MIS, IPRODATED: 26TH JUNE 2017, 6:39 PM | LANGUAGE: MIZO

 

Similar Articles

Top