You are here
Home > Asia News > UN IN MYANMAR SORKAR DEM

UN IN MYANMAR SORKAR DEM

UN IN MYANMAR SORKAR DEM

UN refugee agency official John McKissick chuan Myanmar sorkar chu Arakan rama Muslim   Rohingya hnamte chu Myanmar ram atanga thenfaia hnawhțiau vek tumah a puh a, Myanmar sipaite chetdan chu a dem thu a puang.

Rohingya  in halchhiat thlalak
Rohingya in halchhiat thlalak

Arakan rama an pi leh pute hun  atanga lo khawsa tawh Rohingya te hi Muslim an niin  mtd 1 dawn lai an ni a, Bangladesh ram atanga pem lut an niin Burma sorkar hian khua leh tui nihna, citizenship a pe duh ngai lo a ni.

October thla ni 9 khan Rohingya mipui intiamrualte hian Burma police outpost luhchhuahin police 9 lai an that a, hemi hnu hian Burma sipai leh Border Guard Police te chuan dim baksak lovin Rohingya ho chungcah hian an țuan ve ta thung a, Rohingya mi sang emaw zat chu Bangladehah an raltlan a, Bangladesh hian an lo duh vak bik lova, ramri velah Rohingya eng emaw zat an la tangkhang mek a ni.

_92577904_cec3c6d5-7aca-4e2d-a667-d913ac38dc56

Human Rights Watch chuan satellite images tichhuakin tun chawlhkar 6 chhung khan Arakan rama Rohingya chenna in 1,200 lai halchhiat a nih thu an puang a ni.

_92577908_maungdaw2

Bangladesh ram Cox’s Bazar-a awm mek, UN refugee agency UNHCR hotu, Mr McKissick chuan buaina lo chhuahchhan a kaikuang tak zawn hmuh hmasak a ngai a ni, a ti. A kaikuangah  Myanmar sorkar a puh a ni.

Myanmar State Counsellor Nobel Laureate Aung San Suu Kyi hi khawvelin human rights icon angin en mah se Rohingya chungchangah chuan an thlavang hauhvin a ka a ang duh  tlat lo va, khawvel chuan a dem phah deuh va, mahse Rohingya hnam  sualzia sualzia hre tute tan chuan Suu Kyi hi han dem ngawt chi chu a ni bik lo a ni.

Similar Articles

Top