You are here
Home > World News > UN HIAN BEISEI A PHA TA LO – DONALD TRUMP

UN HIAN BEISEI A PHA TA LO – DONALD TRUMP

UN HIAN BEISEI A PHA TA LO – DONALD TRUMP

United Nations General Assembly, New York-a US President Donald Trump thusawi TV-ah LIVE in ka ngaithla a, Amah Sap thuthiam hmuipuipu William Shakespeare-a’n ‘brevity is the soul of wit’ a lo tih ang chiah khan tawi fel tak, a ruh lang rawtin thu fiahfai takin a sawi a, a sawi ţha ka ti khawp mai a, thu khuh a nei lo va, pehhel a nei bawk lo va, a thling baw hawkin an tih ang khan thu a sawi a ni.

_97851673_eadf7863-5006-48f5-987c-42528fc7c58e

UN General Assembly-a vawikhat thusawinaah US President Donald Trump chuan UN hian beisei a pha ta lo hle a ni, a ti a, UNO chhunga inrelbawlna hautak  leh intihveina aiin mipui ngaihsak leh ngaih pawimawh zawk tur a ni tiin UN kalphung siam that chu tih loh theih loh thil pawimawh lutuk tak a nih thu a sawichhuak a ni.

Hetiang renga awmze nei lo, officerte intih lalna pawl a nih reng chuan tumah in sum an thawh duh tawh lo ang, a ti bawk.

US hian UN-in peacekeeping bill senso zawng zawnga 28.5% hi a tum reng a ni a, a thanatthlak ngawih ngawih a ni, a ti.

He pawl hi kalphung dik lo leh inrelbawl dan fellohna chi hrang hrangin a bawm mek a ni a ti a, Secretary General, António Guterres chu UN kalphung thlak vat turin a ngen a ni.

Capturebbc

Donald Trump thusawi zawh hnu hian Secretary General, António Guterres chuan Donald Trump thusawi chu tuihnihin zan zawngmangnchhia ang a man  fo  pawh hi UN kalphung dik lo lutuk, intihveina leh UN-a thawktute tana sum sen tam uchuak lutuk hi a nih thu sawiin UN kalphung thlak dan turah US President tlawpna avangin a lawmthu Donald Trump chu hmaichhanah a hrilh nghal bawk a ni.

Tweeter President Donald Trump chuan UN speaker hnunga tile man tlawm chi hmuh hi ka ning hluah hluah a, ka chhangkham tawh a, thlak tura min ngen chuan ka thlak nghal ang tiin a tweet bawk a ni.

UN kalphung dik lo an sawi lai tak hi bureaucracy a ni a, India ram ang ram changkang mek developing country zawng zawnga eirukna hi bureaucracy-ah zung a kaih ber a. Bureaucracy hi ramin a ram mipuite rawng a bawlna tura a mi rawihte, department zawng zawnga thawktute hi kan ni a, heng hi inrelbawl dan a bilh atangin a tho tawh lo lawklawh  a, mipui rawng bawl tura rawih khan mipui chanai an eiru ta duak duak mai a ni. Ministry kan han tih ruling party politician minister kan tihte kutah hian sorkar sum hi a lut ngawt thei lo va, Bureaucracy kan tih department thuneitute kutah a lut vek a, kha mi sum , sorkar sum bawka mi sikchhuak tur khan politician leh minister te pawh khan Department director atanga pawisa khawihtu District Accountant te, cashier kan tihte nen hnungthak inhiahtawn leh vek a ngai thin a ni.

 

 

Similar Articles

Top