You are here
Home > World News > TRUMP FOUNDATION THAWHLAWM KHAWN TAWH LO TURIN HRIATTIR

TRUMP FOUNDATION THAWHLAWM KHAWN TAWH LO TURIN HRIATTIR

New York attorney general chuan Donald Trump-a charitable foundation chu sum khawn, fundraising tawh lo turin a hriattir.

New York attorney general chuan Donald Trump-a charitable foundation hian dan bawhchhiat a nei a ni, a ti.

He thupekah hian Trump foundation chu chawplehchilhin New York-a sum khawn leh thawhlawm khawn lam reng reng a titawpnghal vek tur a ni, tih a chuang a ni.

Attorney General Eric Schneiderman chuan Trump foundation hi register a la ni lo va, article 7A of New York’s Executive Law dan ang chuan eng pawl pawh  kum khata thawhlawm, charity $25,000 (£19,440) aia tam khawn reng reng chu an in-register vek tur tih thupek a chuang a ni, a ti.

Hetih lai hian Donald Trump chuan chhiah kum 18 lai a lo pe lo a ni tih report chungchang chu a pha lo va, America rama tax dan buarchuar tak chu thiam takin a hmang tangkai thiam bik bik a ti tiin Colorado vantlang inkhawmnaah a sawi a ni.

Chawlhnia The New York Times chanchinbu-in Donald Trump-a 1995 kuma tax returns an tihchhuahah khan Donald Trump hian  a sumdawnna a chetchhiat avangin  sum $1bn lai hloh, loss angin a inpuang a, chumi avang chuan kum 18 chhung teh meuh chhiah a lo awl thei reng chu lo niin! Donald Trump chuan, “Mi dang zawng aiin America rama tax laws hi ka hre chiang a, chu tax laws chu dan ang takin kei leh ka company tan hian ka hmang tangkai ta a ni mai a ni” a ti.

New York attorney general Mr Schneiderman office hian Donald J Trump Foundation hi nikum June thla a tang khan an lo thlithlai țan tawh a, Republican Florida Attorney General Pam Bondi chuan Trump University-ah hian inbumna thubuai siam an tum mek laiin thawhlawm $25,000 an dawng nawlh mai a, he thawhlawm@tanpuina hi Donald J Trump Foundation atang lo kal a ni a, hei pawisa dawn avang hian Trump University chu inbumna thubuai an siamsak ta lo a ni.

The Washington Post chuan Donald Trump hian sum hi a chelek fu roh va, thubuai an neih loh nan pawisa $250,000 aia tam seng tawhah a puh leh bawk a ni.

Similar Articles

Top