You are here
Home > Asia News > THUDIK, DAWT THUTHANG LEH AUNG SAN SUU KYI

THUDIK, DAWT THUTHANG LEH AUNG SAN SUU KYI

THUDIK, DAWT THUTHANG LEH AUNG SAN SUU KYI

Burma ram Rakhine@Arakan  state-a Rohingya Muslim hnam chunga hleilenna thuthang hi thudik nge thu dik chanve nge, dawt thuthang mai nge tih hi hriatthiam  a har hle mai a, Burma sorkar lah chuan ramdang mi chanchinbu mite Rakhine state-a luh a phal der si lo va, sorkar thuchhuah an ring ngam chiah bawk si lo va, State Councillor Aung San Suu Kyi lah a ka a ang duh miah bawk si lo va, a beng a chhu ngawng lui tlat a, Rakhine@Arakan State chhunga Rohingya hnam chungah hian eng thil nge thleng chiah tih hi tumahin an hre chiang tak tak lo va, a hrechiangte’n an sawi ngam bawk si lo va, a sawia te sawi leh an thlalak thehdarhte chu an ti leh lutuk ve bawk a, a awihawm em em leh bawk si lo va, kan inrinsiak ve ta mai mai chu a ni ta ber e!

Rohingya  hnam hi Muslim sakhaw bia, Bangladesh atanga Burma rama pem lut an ni a,  chi an inthlahpung chak bawk a, mi nuai 10 lai an lo awm hman reng a, tun hma atangin Burma sipai sorkar khan khua leh tui nihna a pe duh ngai reng reng lo va, UNO-ah hian an zualko ve reng a, UNO thu leh hla pawh chu Burma sorkar hian a ngaithla duh ngai lo va, Rohingya hnam hamţhatna lam hi a pe duh ngai lo a ni. Assam ram politician te angin Vote zawn nan an hmang ve mai mai ngai lo a ni.

Tichuan, kum 2012 khan Burma ram Rakhine state-a Buddhist leh Muslim an intualvuak avang khan mi 100 laiin nunna an chan phah bakah in leh lo tam tak halchhiat a niin Rohingya Muslim te’n an tuar nasa hle a.

Nikum October thla khan  Rohingya Muslim firfiak pawl Rohingya Solidarity Organisation (RSO) chuan Maungdaw district thing tlang khuaa Burma police outpost thenkhat an bei thut a, police 9 lai an that a, an ralthuamte an laksak bawk a. Chutah leh,  a sahkhawk chu na tak a ni tih ziak ang khan Burma sipaite’n dim baksak lova  phuba an han la ve chiah chu an ri zawt zawt a ni ber mai a, nikhat thil thu-ah Rohingya Muslim mi 90 laiin nunna an chan a, an in leh lo an halchhiatsak nual bawk a ni awm a, khaw rauhsan pawh a awm nual bawk a ni ang.

Rohingya Muslimho mangang leh si chuan social media hmangin khawvela an Muslimpui te hnenah an zualko ta a, Burma sipaite’n kan hmeichhiate an pawngsual nasa a, mipui pawisawi lo mi pawngkah chiam chiam mai a ni, a ti bawk a.

Tichuan khawvela tlawmngai pawl hrang hrangin Rakhine rama thil thleng chungchang chu finfiah an duh em em hlawm a, Burma sorkarin an luh a phalsak duh tlat si lo va.

Burma sorkar chuan an puhna te pha-in firfiak pawl thenfaina counter-terrorism operation mai a ni zawk e, an ti ve thung a ni.

Tichuan, BBC lam pawh hian hriat chian tumin a hmuna kal chilh an hel reng a, Kar kal ta khan BBC palai  Jonah Fisher chu Rakhine state-a kal an phalsak ta hlauh mai a, a rang arangin Rakhine capital Sittwe@Akyap-ah a thlawk lut nghal a, chuta tang chuan  Mayu lui dungah lawngin Buthidaung an pan ta a, darkar 4 lai an kal hnu chuan Rohingya Muslim tamna Buthidaung chu an thleng ta a. A rin ang reng rengin tualchhung mite interview-na hun an pe ta lo va, thuneitute leh police te’n a kalna apiangah an zui zel a, minute 45 chiah an awm hman tihin Burma ram sorkar hmunpui Nayphidaw atangin an zin phalna tihtawp a nih chu an hriattir ta a ni.

Amah BBC palai  Jonah Fisher pawh chuan thil awmzia a man nghal mai niin a lang a, thil thleng dik tak hi haichhuah theih rual a ni dawn lo tih hi! Burma ramah Suu Kyi hi a thu ber lo va, Rakhine Rohingya buaina phei chu Burma sipai hotute hian Aung San Suu Kyi hmai-a bel mang tah an tum emaw an hming tihhliau an tum emaw tih tur hial a nihna lai a awm a, Aung San Suu Kyi hian sipai ho a mawhchhiat chuan a ma mawng a hlim a  ni leh dawn bawk si a, Rohingya Muslimho mawhchhiat  zawngin thu han sawi hlek se, khawvel ram hausa Muslim ram tam takin an rawn bauh rawn luai luai dawn bawk si, chuvangin thudik leh dawt thu leng vel karh Aung San Suu Kyi a ngawi tlat a, silence is golden policy a vuan tlat hi a tan a ţha ber rih turah ngai phawt mai ang.

Khawvel Muslim ram dang te’n sawisel luai luai mah se Rohingya Muslim thlavang hauh loh hi ram leh hnam humhalhna pawimawh tak chu a ni tawh hrim hrim a, ngawi dawh tlat hi ram leh hnam kulhpui a lo nih chu!.

_93836740_anug_san

5a3574c7e3c04db9b81b6c5a7ea48dc5_9

image

image (1)

b78efcaf04b94b129458d08396108341_18

a9d87c1509a14a5ca81d446baf5909a6_18

_93821637_dde2454e-f26c-4eb0-a176-fe6c87204c0e

_93821634_staterambo

 

 

Similar Articles

Top