You are here
Home > World News > THERESA MAY THUSAWI

THERESA MAY THUSAWI

THERESA MAY THUSAWI

British Prime Minister Theresa May chuan UK chu European Union atanga a chhuah  ngei tur thu a sawi  a, EU atanga UK a chhuah  dan tur leh thil tih hmasak tur 12 a puangchhuak ta bawk a, Europe ram mipuite  leh UK mipuite chuan a thusawi hi an bengkhawn hle hlawm a ni.

_93629996_d715bf58-07f3-450b-a80b-2f96a8f1e30b

EU atanga UK chhuah tur thu hi UK parliament in 2, House of Commons leh House of Lords-ah pharh a ni leh phawt dawn a ni.

Theresa May chuan UK hian Europe ram hi a chhuahsan dawn lo va, European Union hi chhuahsan a tum mai a ni zawk a, European Union chhuahsan hnu-a UK dinhmun tha taka siam chu ka hna pawimawh ber tur a ni, a ti.

f05c2b8d-9ef5-4f8c-b5b3-f1be390a4214

UK indan tum dan tur hi a buaithlak hle dawn a, vawilehkhata han tih zawh fel duak chi pawh a ni lo va, March thla tawp lamah Article 50 of the Lisbon Treaty an han hmang phawt ang a, chuta tang chuan kum 2 chhungin EU atanga insaseng fihlim an tum dawn a, Europe ram khat an la nih si avangin EU nen hian thawhhona tur tam tak a la awm lo thei si lo va, UK leh Irish Republic inkara zalen taka zin veivah dan tur te, EU nen Tariff-free trade neih zui zel te, EU nen customs inremna neih te, EU ram khua leh tuite UK-a immigration rights an neih dan tur te, UK khua leh tuite EU ramte-a immigration rights an neih dan tur te sawihova inremna siam tur tam tak a la awm chho zel dawn a ni.

European Single market-a an awmho lai kha chuan EU khua leh tuite khawi ramah pawh an zin vei vak theiin hna an thawk thei vek hlawm a, UK hi a chhuah si chuan sawiho tur tam tak a awm ta a, Theresa May chuan kan duh ber chu UK hian EU ramah zalenna vawrtawp neiin sum dawng thei se, EU ramte pawh hian UK-ah zalenna vawrtawp neiin sum dawng thei bawk se tih hi a ni, a ti. Chu a duhthusam thlen tir dan tur tak chu thil tihhlawhtlin harsa em em tur chu a ni bawk si a ni. Theresa May chuan UK hi EU ramte tan ţhenawm ţha leh ţhian ţha kumhlun nih kan tum tlat a ni, a ti bawk.

 

Thu a buai nuaih loh nan, a mawl thei ang berin sawifiah tum ta ila, European Union anga an kal hian Germany hi a lian tual tual zel a, chu chu Mizovin England kan han tih mai UK, tun hmaa khawvel ni tla seng lova roreltu lo ni thin hian a ngaingam lo va, chhuah a tum ta ni berin a lang a ni.

Similar Articles

Top