You are here
Home > World News > THE THREE GORGES DAM

THE THREE GORGES DAM

THE THREE GORGES DAM

Kum 2 kal taa ka ziak a ni a, ka Timeline-ah a lo her 11222007_749260221845198_4460881337155773220_n

chhuak leh ta a, tunlaia ka rilrua ka vei em em, kan kristianna hian kan mihring rilru hi a siamṭhat phah em? Compensation hnama min siamtu hi eng ber nge ni? Kan ngaihnep em em Communist ramah hian eng vangin nge thil ropui tak tak, ram leh hnam rohlu hi an siam theih bik? Kristian rama inchhal siah hian engah nge eirukna hi kan do hneh loh tihte? leh Pu Dunglena’n hmanlai kan pi leh pute hun atang reng khan Mizote hian kawngpui sial hi kan thiam ngai reng reng lo a tihte hi a lo dik reng em? tihte   ngaithuah chungin lo chhiar ve teh.

12074649_749260215178532_8233639230572486163_n

Khawvela tuikhuah hmanga kawlphetha siamchhuahna lian ber chanchin kan sawi leh dawn a ni a, rualawh zawng a na leh ngei dawn a ni.

Boston Consulting Group hotu Robert Frank zirbingna atanga a hmuhchhuah chu America ramah hian mi hausa an lo tam ber a, millionaire maktaduai 6.9 an awm a, China ramah khian maktaduai 3.6 an awm a, China ramah khian millionaire an pung chak ber thung a, 2014 kum khan mi maktaduai 2 chu millionaire an ni hman a tlat a, 2013 kum aiin kum khat thil thu-ah millionaires 50%-in an pung tihna a ni.

10453323_749260128511874_1764441026912279563_n

He a thil zirchhuahin a lantir bera chu infrastructure ṭhatna ram a piangah mi fate hian hma an sawm a, an hausa thur thur mai tih hi a ni. Infrastructure ṭhat lohna ram apiangah kan rethei tulh tulh a, kan pachhe tulh tulh a, sum a harsa, sum a vang kan ti kan ti mai a ni.

Hmasawnna ziktluak awm thei tura thil pawimawh ber mai chu kawlphetha hi a ni a. China ram communist hruaitute khian kawlphetha pawimawhzia an man chiang a, an rama lui lian zawng zawng deuh thaw-ah tuikhuah lian tak tak siamin kawlphetha an lo hnianghnar ta hle a ni.

11219653_749260118511875_6296096278701217411_n

Khawvela kawlphetha siamchhuak hnem ber the Three Gorges Dam power station hi Hubei province, Yiling district, Yichang, Dandouping khuaah a awm a, MW 22,500 pe chhuak thei a ni chheu mai a, 2013 kum khan 83.7 TWh a pe chhuak a, 2014 kum phei chuan energy 98.8 TWh a pe chhuak ta a ni. MW tih hi Megawatt tihna ani a, watt 10, 00,000 tihna a ni. Tube light feet 2 hi watt 20 a ni a, feet 4 hi watt 40 a ni, zero bulb kan tih hi watt 15 a ni tlat thung. Tichuan current unit khat kan tih hi kWh a ni a, kWh chu electric bulb watt 100 hlir bulb sawm darkar khat i chhit khan current 1 kWh i hmang tihna a lo ni a, chu chu unit 1 tihna a ni. Mizoram P & E Department tariff-ah hian thla khatah 100 kWh aia tam kan chhit chuan 1 kWh chhit man Rs Rs.3.80 a ni a, thla khata kan chhit zat kha 200 kWh aia a tam erawh chuan a rate kha a sang ta dawrh a, 1 kWh chhit man chu Rs.4.50 a lo ni ta a.

1485081_749260251845195_3600885683847654671_n

Tichuan China rama an kawlphetha, electrical energy tihchhuah tam lam an sawina pawh a hraw ta riau bik a, TWh an hmang ta hem mai a, TWh chu Terra-watt-hour tihna a lo ni leh ta a, (TWh chu one billion kilo-watt-hours) maktaduai hlir maktaduai khat watt hour tihna a nih chu. The Three Gorges Dama an power station-a an turbine (generator) pakhat hian kawlphetha MW 700 theuh a siamchhuak thei a, chutiang khawl lian lutuk ton 6000-a rit tawp chu 32 an tlar ta a, chu mai chu la duh tawk lovin MW 50 ve ve pe chhuak thei generator 2 an la tivir bawk a ni.

He kawlphetha siamchhuahna tuikhuah ropui hi zankhat thil thua an ngaihtuahchhuah thut a ni bik lo va, kum 100 deuh thaw an buaipui hnu-ah an puitlin chauh a ni.

1919 daih tawh khan Sun Yat-sen khan thil tihtheih a nihzia a lo ziak tawh a, 1932 kum khan khatih laia China ram hruaitu Chiang Kai-shek khan tuikhuah siam turinhma a lo laktir tawh bawk a, Japan ral len lai 1939 kum khan China ram luahtu Japanho khan tuikhuah siam an lo tum bawk a, 1944 kum khan China ram chu America nen an inthian that lai a ni a, America engineer John L.Savage khan Yangtze River Project siamin Chinese engineer 54 rual chu America ramah tuikuah siam dan tur an zirtir a. 1947 kum atangin China tualchhung indona a thlen tak avangin an thil ruahman chu tihpuitlin a ni thei ta lo va. 1949 kum khan China ram pum chu Communist kutah a tlu ta a, Mao Zedong a rawn lal ta thung a. Gezhouba Dam project bul an tan ve leh ta thung a, an ram inrelbawl dan thlakthleng zut a nih avangin an puitlin hlei thei ta bik lo va, 1980 kum atang khan tharthawh leh a niin 1992 kum khan an ram rorelna sang ber National People’s Congress chuan tuikhuah siam chu a remtihpui ta a, 1994 kum atang khan hna an tan leh ta a, kum 20 hnu-ah a peih fel thei ta a ni.

THE THREE GORGES DAM
THE THREE GORGES DAM

The Three Gorges Dam hi feet 7,661 (meter 2,335)-a sei a ni a, feet 607-a sang a ni a, tuikhuah bang chhun nan hian concrete 27.2 million cubic metres leh kahpathir tonnes 463,000 an hmang a, an thir hma hi Paris khawpuia Eiffel Tower ang 63 siamna daih a tling hial a ni. Tuikhuah tuiin a chim hlat zawng hi km 660 a ni a, a tui chim zau zawng tlangpui chu km 1.12 a ni a, tuikhuaha tuiin hmun a luah zau zawng hi 39.3 km3 (31,900,000 acre•ft) a ni. Tuikuah siam nana an sum sen ral zawng zawng hi 180 billion yuan (US$22.5 billion) vel a ni. An tum anga thil a kal tluan chuan an senso zawng zawng hi kum 10 chhungin an hmuhlet leh vek an beisei mek a ni.

He tuikhuah lian an siam puiltin hnu hian Yangtze lui tuilian avanga mi tam tak thihna te, in leh lo tam tak chhiatna te leh leilet leh thlai hmun tui lianin a chim chhiat vak vak thinte pawh a lo awm ta lo va, he tuikhuah tui leh kawlphetha ring hian lui kamah khawpui lian tak tak leh industry lian tak tak an din theih phah bakah leilet leh thlai hmun tam tak te chu thal-va-ekechar-ah pawh tui hnianghnar takin an lo chawm thei ta bawk a ni.

 

Similar Articles

Top