You are here
Home > World News > THE EAGLES AN LO THIAM BER MAI

THE EAGLES AN LO THIAM BER MAI

THE EAGLES AN LO THIAM BER MAI

Tunlai chu Kumpui sul a lo vei dawn ta bawk a, Bawngkawn pastor bial zaipawl hla “Kumpui sul a lo vei chang hian” tih hla ka ngaithla nasa a, Vanlalsailova Krismas hlate hi music arrangement a ţha lo va, ka ngaithla rei peih thlawt lo va, siam ţha leh se, a ţha khawpin ka ring a. The Eagles bawkah hian ka lut leh ţhin a, The Eagles music arrangement hi duhthusama ţha a ni a, belh tur a awm lo va, paih tur pawh a awm lo va, ngaihthlak a hahdam em em bik a ni. Chuvangin ‘The Eagles Hi An Lo Thiam Ber Mai’ tih ka han ziak dawn ta a ni.

Linda Ronstadt hla It’s So Easy tih hla Intro leh lead solo naupang laia ka hriat atangin an kutchhuak rimawite hian ka lairil hi a fan raih bik a, ka lung hi a tileng em em zel a, The Eagles  hla leh rimawite ngaithla chunga han zin hi chuan khual lam sau tak pawh a tumtawi hle thin a ni. An rimawi chang hi a mawi a ni lo va, an sap hla thu mawi zia mawlh mai hi a mak a ni. Lying Eyes hla thu ngat phei hi chu rangkachak leh lunghlu man to chi-a luan ni awma mawi a ni a, rhyme leh rhythm a la awm vek zui! An zai leh an rimawite hian van ram tla fualah min hlang lut fo thin a ni. Hraitna beng neih hi a va hlu tak em!

The Eagles-a mite hi pian leh murna inkarkik tak tak hmun hrang hrang atanga insuihkhawm an nih vang hian emaw ni? an rimawi-ah hian variety kan ti dawn nge danglam tak duhawm si hi a  awm reuh a, Hotel California album an tihchhuah atang phei khan chuan America rock band lar ber tih hi eng anga hnialhrat tukhum pawng tan pawha hnial theih hauh loh thu dik a ni a. Bass guitarist Timothy B. Schmit kutchhuak rimawi mawi bik zia hi mak ka ti thin a, C.Luri My Father’s Song album-a bass guitarist Phukale, Karen pa  kha thiam ka ti hle bawk a, Mizo zingah chuan Thawngnova kha thiam ka la ti ber a, tunlai Mizo thalai zingah chuan ka beng fah khawpa thiam bass guitarist ka hmu lo!

Eagles

He American rock band ropui hi 1971 kum khan Glenn Frey (born 11/6/48; guitar, vocals), Don Henley (drums, vocals; born 7/22/47), Bernie Leadon (guitar, mandolin, banjo; born 7/19/47), Randy Meisner (bass, vocals; born 3/8/46) te’n Los Angeles-ah an din a,1970 chho bawr atanga khawvela band hlawhtling ber pawl an rawn ni chho va, Grammy Awards 5, American Music Awards 5 an dawng a, an album 2, Their Greatest Hits (1971–1975) leh Hotel California te hi America rama album hralh tla ber 20 zingah a tel pha a ni.

1972 kum-ah album hmasa ber an tlangzarh a, he albumah hian hla lar tak tak lo ni ta Take It Easy”, “Witchy Woman”, leh “Peaceful Easy Feeling” te a tel a, 1973 kum khan Desperado album an tichhuak leh a, a hlawhtling vak lo na-in “Desperado” leh “Tequila Sunrise” te chu Eagle hla lar tak a rawn ni ta tho va, kum 1974-ah ‘On the Border’ an tichhuak leh thei a, guitarist Don Felder chu an pawlah an senglut ta bawk.

Kum 1975-ah ‘One of These Nights’ album an tihchhuah atang chuan khawvel pum hriat hlawh band lar tak an lo ni ta a, 1976 kuma Hotel California an tlangzarh atang phei chuan lar tak an lo ni ta a, an vanglai ni an thleng a, he album hlawhtling tak hi khawvel pum huapin 32 million an hralh pha hial a ni. 1979 kum khan The Long Run album an tichhuak leh a, he albumah hian hla lar tak tak 3, “Heartache Tonight”, “The Long Run”, leh “I Can’t Tell You Why a tel a, I Can’t Tell You Why hla-a Timothy B. Schmit aw, a bass perh ri leh lead solo inla lawn chho mawi lutuk kha chu a ropui rapthlak ka ti mai! ropui tak a ni. A ţhatzia sawi chhuah ka thiam lo. Vantihkoh ţawng a ngai!

Kum 1980 khan The Eagles chu a lo kehdarh ta a, mahni ţuanna mual mualah mahni seh seh sehin an che ta ţheuh va,khawvel mipuite ngenna avangin 1994 kum khan an inzawm ţha leh ta a, Hell Freezes Over tract an siam a,1998 kum khan Rock and Roll Hall of Fame-ah sengluh an ni a, an sengluh hian Eagles member kim 7 (Frey, Henley, Felder, Walsh, Schmit, Leadon, and Meisner) te chuan an hla ropui “Take It Easy” and “Hotel California” te an sa a ni. Chuta tang chuan tour neiin hmun hrang hrang an fang thin a, 2013 February thla khan History of the Eagles tih documentary an tlangzarh bawk a ni.

Joe Walsh,hmui tisawi chunga a ţingtang hmet chiau ri mawlh mai hi “A hlui lo a thar leh ţhin thinlai-ah’ tih ang vel a ni.

The Eagles hlate hi a ngaihnawm a, khawvel pum huapin an record hi 150 million aia tam hralh a ni tawh a, khawvel rock band album hralh kal ber zingah an tel pha a ni.

Kum 2016 January thla khan vanduaithlak takin Glenn Frey  a boral hlauh mai a, a fapa Deacon Frey leh Vince Gill te’n a aiawhin The Eagles hi kum 2017-ah pawh an la perform reng a ni.

“Lyin’ Eyes”

City girls just seem to find out early
How to open doors with just a smile
A rich old man
And she won’t have to worry
She’ll dress up all in lace and go in style

Late at night a big old house gets lonely
I guess every form of refuge has its price
And it breaks her heart to think her love is
Only given to a man with hands as cold as ice

So she tells him she must go out for the evening
To comfort an old friend who’s feelin’ down
But he knows where she’s goin’ as she’s leavin’
She is headed for the cheatin’ side of town

You can’t hide your lyin’ eyes
And your smile is a thin disguise
I thought by now you’d realize
There ain’t no way to hide your lyin eyes

On the other side of town a boy is waiting
with fiery eyes and dreams no one could steal
She drives on through the night anticipating
‘Cause he makes her feel the way she used to feel

She rushes to his arms,
They fall together
She whispers that it’s only for awhile
She swears that soon she’ll be comin’ back forever
She pulls away and leaves him with a smile

You can’t hide your lyin’ eyes
And your smile is a thin disguise
I thought by now you’d realize
There ain’t no way to hide you lyin’ eyes

She gets up and pours herself a strong one
And stares out at the stars up in the sky
Another night, it’s gonna be a long one
She draws the shade and hangs her head to cry

She wonders how it ever got this crazy
She thinks about a boy she knew in school
Did she get tired or did she just get lazy?
She’s so far gone she feels just like a fool

My, oh my, you sure know how to arrange things
You set it up so well, so carefully
Ain’t it funny how your new life didn’t change things
You’re still the same old girl you used to be

You can’t hide your lyin eyes
And your smile is a thin disguise
I thought by now you’d realize
There ain’t no way to hide your lyin’ eyes
There ain’t no way to hide your lyin’ eyes
Honey, you can’t hide your lyin’ eyes

 

Similar Articles

Top