You are here
Home > World News > TATA IN AN CHAIRMAN CYRUS MISTRY CHAWLHTIR THUT

TATA IN AN CHAIRMAN CYRUS MISTRY CHAWLHTIR THUT

TATA IN AN CHAIRMAN CYRUS MISTRY CHAWLHTIR THUT

India rama business group inhlawmkhawm lian ber Tata Group chuan an chairman Cyrus Mistry an chawlhtir thu leh interim chairman atan Ratan Tata an ruat lailawk thu an puang a, he an chhungkua Tata Sons thupuan hian India ram mipuite a barakhaih chiang hle.

Ratan-Tata-with-Cyrus-Mistry_
Ratan-Tata-with-Cyrus-Mistry_

Ratan Tata kha Tata Group chairman a nih lai, kum 21 chhung  khan Tata company hi thopa zuanin a zuantir a, 2012 kum atanga Cyrus Mistry kuta a awm hnu hian tlakchhiat lam an pan tial tial a, nikum hmasa khan Tata Group sum che vel turnover hi $108 billion a nih laiin kumin hian an turnover chu $103 billionah a tla hniam a, an leiba net debt chu nikum hmasa khan $23.4 billion a nih laiin kumin hian $24.5 billionah a san phah ta thung a. “Tata chhungkua leh an share holder zawng zawng hmakhua ngaiin Cyrus Mistry chu chawlhtir rih phawt țha kan ti tlang a ni,” tiin thuchhuah an siam a, thla 4 chhungin selection panel chuan Tata Group chairman tur hi an ruat leh dawn a ni.

Tata chhungkua hi an thlahtu an pi leh pute atangin mi țha chhung, mi inngaitlawm tak, inti vei ve ngai lo inthlahchhawng zel an ni a, Ratan Tata hi a ropui khawp mai a, motor car man to pawh a hmang ve ngai lo va, vawikhat chu khawlaiah a motor a chiang lo va, taxi a la ta a, a office a va thlen chuan Taxi driver chu fare pek a han tum a, Taxi driver khan a lo hre ching ropui si a, a man a la ta lo a ni, an ti. Chutiang khawpa taxi driver te pawhin an  ngainat chhungkua chu an ni. He Parsi Zoroastrian chhungkua thlahtu bul Jamshedji Nusserwanji Tata (3 March 1839 – 19 May 1904) atanga Jehangir Ratanji Dadabhoy “J. R. D.” Tata (29 July 1904 – 29 November 1993) leh Ratan Naval TataGBE (born 28 December 1937) te’n  India ram tan an thawhhlawkzia TMB atang Sumo thlenga Mizoramin hma kan sawnpuizia ka ziak  article kha ka zawng hmu ta mai lo va, ka la rawn post ang e.

 

Similar Articles

Top