You are here
Home > World News > TALIBAN KUT ATANGIN AMERICAN CHHUNGKUA CHHANCHHUAK

TALIBAN KUT ATANGIN AMERICAN CHHUNGKUA CHHANCHHUAK

Afghanistan ram Taliban kuta kum 5 lai an hren America chhungkua chu Pakistian sipaite’n an chhanchhuak niin an sawi a, he thu hi America sorkar chuan a dik ngei a ni tih a nemnghat tawh a ni.

American Caitlan Coleman, kum 32 leh a pasal Canadian Joshua Boyle, kum 33 te chu Afghanistan rama an zin lai kum 2012 khan Taliban te chuan an lo man a, an man lai hian Coleman hi rai puar ţeuh tawh a ni a, kum 5 an tan chhung hian fa 2 a nei hman a ni.

He mite chhungkua mantute hi  Taliban peng pakhat Haqqani Network an nih an ring a, Haqqani Network hotu lawk tam tak hi Afghanistan sipaite’n an man tawh a, an hotu jail atanga chhuah beiseiin heng an mi hrente hi Pakistansipaite kaltlangin an rawn chhuah ta a nih an ring ber.

US President Donald Trump chuan nimin khan Pennsylvania vantlang inkawmnaah thu a sawi a, America ram zah ngai reng reng lo ramte pawhin chanchin lawmawm em em min rawn hriattir ta a, tun hma zawnga min zah ngai reng reng lo ram ( Pakistan ram a tihna a ni a) khan tunah chuan min zah tawh a, chu chu tunlai thil awmzia chu a ni, khawvel hian America ram hi min zah tial tial tawh a ni, a ti.

Similar Articles

Top