You are here
Home > Asia News > SUU KYI CHAWIMAWINA OXFORD-IN AN SUT, KA HNUK A ULH!

SUU KYI CHAWIMAWINA OXFORD-IN AN SUT, KA HNUK A ULH!

SUU KYI CHAWIMAWINA OXFORD-IN AN SUT, KA HNUK A ULH!

Oxford chuan an beisei anga Rohingya buaina chungchanga Aung San Suu Kyi a chet loh avangin kum 1997-a Oxford City Council-in democracy tana a lo beih hram hramna avang chawimawina an hlan The ‘Freedom of Oxford’ chawimawina chu an sut leh.

VBK-SUU KYI OXFORD

October ni 2-a hemi chungchang an ngaihtuahnaah Aung San Suu Kyi hian he chawimaawina dawn hi a phu thlawt tawh lo a ni tiin lungrual takin thu an pawtchat ta a, November ni 27-a a chawimawina an pek chu sut turin an rel fel ta a ni.

AUNG SAN SUU KYI HI PHUNGPUINU A LO NI EM NI?
AUNG SAN SUU KYI HI PHUNGPUINU A LO NI EM NI?

Nobel Peace Prize dawngtu Aung San Suu Kyi hi Oxford chuan an khua leh tui angah ngaiin an lo chhuang hle thin a, Oxford University bul Park Townah hian kum 1964 atang 1967 thleng khan an chhungkuain an lo khawsa a, a college lo kalna pawhin an chhuangin a thlalak chuanna paingting chu an college luhna langsar takah an lo tar thin a, tun hmai khan an dahsawn ta bawk a, tunah hian Oxford khaw upa leh roreltute chuan an chawimawina chu an hlihsak leh ta a ni.

Yanning, Chen; Aung San Suu Kyi; St Hugh's College, University of Oxford; http://www.artuk.org/artworks/aung-san-suu-kyi-223612
Yanning, Chen; Aung San Suu Kyi; St Hugh’s College, University of Oxford; http://www.artuk.org/artworks/aung-san-suu-kyi-223612

Heng anthiltih zawng zawng hi Rakhine rama Rohingya Muslim raltlante chungchangah Aung San Suu Kyi hian Human rights activist anga an lo beisei anga a tih tur a tih loh vang a ni ber a, Rohingya Muslim hnam lemzawkte hi Rakhine ram hnam leh hnam intihbuaina avangin Bangladesh ramah mi 500,000 aia tam an raltlan tawh a, kum 2016 April thla a tanga democracy puitling rama Prime Minister anga ngaih State Councellor Aung San Suu Kyi hian a tihtur ati lovah ngaiin Oxford khawtlang hruaitute chuan an chawimawina lo pek tawh chu ansut lailawk ta a ni.

pic-2

Aw, ka pi, Aung San Suu Kyi ka va han lainat tak che em! I ram leh hnam tan sawichiatna leh chirhthehna tinreng tuar mah la, Thudik chuan hnehna a la chang ngei ang. Mother Suu Kyi  I ram leh I hnamte hian I tuarna hi  kan thawp tlat che a, zam reng reng suh!

Myanmar State Counselor Aung San Suu Kyi delivers a speech to the nation over Rakhine and Rohingya situation, in Naypyitaw, Myanmar September 19, 2017. REUTERS/Soe Zeya Tun
Myanmar State Counselor Aung San Suu Kyi delivers a speech to the nation over Rakhine and Rohingya situation, in Naypyitaw, Myanmar September 19, 2017. REUTERS/Soe Zeya Tun

Rangoon University-a lehkha ka zir lai khan I pa Aung San lehkha a zirlaia a awmna Pegu Boy’s hostel room no. 123 bul room no. 121-ah khan kum 2 pumpuhlum ka awm a, I pa hi pa angin  ka ngai asin. I pa lo awmna pindan hi ka thlek vawng vawng thin asin. Mother Daw Suu Kyi, lo zam reng reng suh, I ram mipuite  leh ram tin kil tina a Zo, a Kawl, a Vai, a Chinese hian i  hnungah rinawm takin kan ding reng e!

 

Similar Articles

Top