You are here
Home > Asia News > SUSHMA LEH SUU KYI INBIA

SUSHMA LEH SUU KYI INBIA

Myanmar rama zin mek External Affairs Minister Sushma Swaraj chuan Nay Pyi Daw-ah tukin khan State Counsellor and Foreign Minister Aung Sang Suu Kyi nen inbiakna an nei a, India chuan Myanmar ram democracy lamtluang a zawhna kawngah a theih ang anga tanpui a inhuam thu leh a ram mipuite sum leh pai dehchhuah kawngah leh eizawnna ngelnghet siam kawngah phungbawm a tum thu a hrilh a, A thusawi hi  Prime Minister Narendra Modi leh President Pranab Mukherjee te thuchah  a nih thu a sawi bawk a ni.

Aung San Suu Kyi chuan India rama helte Myanmar rama an tawmruk an remtih dawn loh thu a lo hrilh bawk a ni.

Sushma Swaraj hi Myanmar rama sipaiin kum 50 chhuanmang rorelna an neih hnu, mipui thlan sorkar din hnu, Aung San Suu Kyi partyin sorkarna a lak hnu  lama India ram  sorkar mi pawimawh zin hmasa ber a ni a, External Affairs Ministry spokesperson Vikas Swarup  chuan Sushma Swaraj Myanmar ram han zin hian India leh Myanmar rilru leh tih takzeta thawhho an tumzia lantirna  a ni, a ti.

 

Sushma hian Myanmar president U Htin Kyaw a hmu bawk a ni.

Similar Articles

Top