You are here
Home > Zoram > SSA HLAWH CHUNGCHANG SAWIFIAH

SSA HLAWH CHUNGCHANG SAWIFIAH

SSA State Project Director Pu Lalhmachhuana chuan SSA hlawh pek chhuah chungchanga thu leng vak sawifiahin tute’n emaw sawrkar lehkha pawimawh RTI kal tlang lova, a lo lak chhuah a nih mai bakah a hnua siam danglam vang ni bera alan thu a sawi.

Vawiina SSA Project Director office a thuthar lakhawm tute State Project Director-in a kawmna ah SSA hlawh pek chhuah tur lehkha a ziah ah document siam danglam avangin SPD chuan June leh July 2016 thla hlawh tur a dilna a lo siam tawh chu August leh September 2016 hlawh tur dilna angin a lan phah ta, a ti a, June 2016 thla hlawh, October ni 14, 2016 a pek tawh leh July 2016 thla hlawh, November ni 23 a pek tawh hnuah pawh August leh September 2016 thla hlawh pek tur la awm si pe duh lo angin ngaih dan diklo tak a hring chhuak ta niin a sawi bawk.

 Central sawrkar atang SSA pawisa 1st installment cheng nuai 1441 chu kum 2016 August thla ah sanction hmuh ani a, pawisa pe chhuak turin proposed expenditure siam niin kum 2016 June thla hlawh bat mek leh proposed expenditure, closing balance awm mek leh central atanga sum dawn cheng nuai 1441 chu a daih tawk tur June leh July thla hlawh hmanna tur dil a nih thu a sawi a, nikum october ni 14 khan SSA hnuaia thawktu hrang hrang te thla khat hlawh June thla cheng nuai 834 chu District office ah pek chhuah ani ati a, Mizoram SSA account ah cheng nuai 1441 hi kum 2016 November ni 22 khan lutin State Project Office-a sum balance awm sa chu June atana pek chhuah a nih tawh avangin July thla hlawh chauh a daih avangin November 23, 2016 ah SSA hnuaia hnathawktu hrang hrangte thla khat hlawh cheng nuai 847 chu District Office ah pek chhuah leh niin fund hmuh atanga hlawh tur pek chhung hi ni hnih anih thu SPD chuan a sawi bawk, Mizoram SSA hnuaia hnathawkte July 2016 thla hlawh pek a nih hnu hian Mizoram SSA account ah cheng nuai 659 a la awm a, thla khat hlawh dang a daih tawh lo niin SSA SPD Pu Lalhmachhuana chuan a sawi a ni.

Courtesy; DDK Aizawl

Similar Articles

Top