You are here
Home > World News > SOUTH KOREA PRESIDENT BAN PHUT KAWNGZAWH TAM

SOUTH KOREA PRESIDENT BAN PHUT KAWNGZAWH TAM

SOUTH KOREA PRESIDENT BAN PHUT KAWNGZAWH TAM

Nimina South Korea president Park Geun-hye ban phuta kawngzawh an tam miah miah hle a, nuai 20 an tling niin an sawi a, mi mtd 50 awmna rama mtd 2 laiin an president ban phuta kawng zawh chu tam tak an ni a, CM Pu Hawla’n, a maka maka tam a tih aiin a let 77 velin an tam awm e. President chuan ban a tum loh thu a la sawi cheu! Mob violence erawh a awm ve lo thung a, Korea ho hi hnam pui an nihna a lang chiang e.

161127094049-gettyimages-625866216skorea-protests-exlarge-169

Russia ramah khan Indopui I-naa an lal Czar Nicholas rorelna hnuaiah khan puithiam pakhat thlarau mi tak nia insawi Rasputin khan Russia lalnu a hmin tlat avangin ram rorel a chiri vek ang deuh khan Korea President Park Geun-hye thlarau nun kaihruaitu hi kohhran lian tak Eternal Life church hotunu Choi Soon-sil niin an hria a, President hian ram rorelna kawngah Choi Soon-sil hnen atangin thurawn a la fo tih an hriatchhuah tak bakah an inhmelhriatna hmang tangkaiin Korea ram company liante hnen atangin Choi Soon-sil hian a kohhran tan sum a țham nasa hle nia an puh avangin President Park Geun-hye hi bang turin an phut ta a ni.

9b49bccd3731420e9d53a933082d7d51_18

Choi Soon-sil hi man a ni tawh a, thubuai rit tak, criminal case siamsak an tum mek a ni.

_92671618_mediaitem92671617

South Korea mipuite hian an ram economy tlakchhiat tak zel avang leh Sewol lawng chetsuala mi 300 lai an thih dan chungchanga sorkar hmalakna nep lutuk avangi sorkarah rinna an nghat ngam tawh lo va, chu bakah sorkar lehkha pawimawh tak tak te leh sorkar thurukte chu Choi Soon-sil laptop@tablet-a an haichhuah avangin mipui an thinrim hle a ni.

_92671614_mediaitem92671613

An ram danah Park Geun-hye hi president a nih chhung chuan thubuai siamsak theih a ni lo a ni. Eternal Life Church hotu hmasa Choi Tae-min chuan Park Geun-hye hi a nu an thah hlim 1974 kum  khan Park Geun-hye nu chu a a mumangah a lo hmu a, Park Geun-hye hi chu lo enkawlsak turin a ngen niin a sawi a. A mumanga a nu ngenna angin Choi Tae-min hian Park Geun-hye chu tisa leh thlarau nun lamah a enkawlin a kaihruai ta a, Choi Tae-min 1994 kuma a thih hnu khan a fanu Choi Soon-sil chuan a pa hna chu rawn chhunzawmin Park Geun-hye president a nihna leh a thuneihna chu a  hmansualtir ta a ni.

Similar Articles

Top