You are here
Home > Asia News > SOUTH INDIA-AH THE HINDU CHANCHINBU CHHIAR A HLAWH BER

SOUTH INDIA-AH THE HINDU CHANCHINBU CHHIAR A HLAWH BER

Hnial rual lohvin South India-ah chuan The Hindu English Edition hi chhiar a hlawh ber a, Indian Readership Survey (IRS) 2017 report-a a lan danin South India-ah The Hindu readership nuai 38.5 an awm a, The Times Of India latu  nuai 13.8, Deccan Chronicles nuai 13.8, Deccan Herald’s chhiartu nuai 9.7 an awm  ang chhut a ni.

South India state 4; Tamil Nadu, Kerala, Andhra Pradesh leh  Telangana state-ah te hian The Hindi a lar ber a, readership nuai 18.8 lai an awm a, TOI aiin a let hnih zetin chhiartu an nei tam a ni.

The Hindu hi  Delhi leh Mumbaiah pawh kua a hreuh chak tawh hle a, Delhi-ah hian mi nuai 5.4 velin The Hindu hi an chhiar a, Mumbaiah pawh mi nuai 1.5 laiin an la tawh a ni.

The Hindu chanchinbu hi kum 1889 atanga Chennai atanga ni tin tihchhuah chanchinbu a ni a, a neitu Kasturi and Sons Ltd an ni a, India ram pumah The Times of India dawttu chanchinbu lar a ni a, South India-ah chuan chhiar a hlawh ber a, The Hindu hian mi 1600 vel a ruai a, kum khata an sum virvel hi US dollar mtd 200 dawn lai a ni a.

The Hindu jourlnalism kalpui dan hi a rintlakin a profe em em mai a, He The Hindu Group tihchhuah tho Frontline kha ţhangkhat lian lai ka lo chhiar a, Editor Narasimhan Ram (born 4 May 1945) kha mi thiam, mi dik, ngaihhlut zawng dik tak ngaisang mi a ni a, ani kha tunah hian Chairman of Kasturi & Sons Limited leh  Publisher of ‘The Hindu’ a lo ni ta a, mi rilru pulting leh taima thuziak chu chhiar a nuamin a chhiartute’n puakchhuah kan nei zel a ni. The Hindu hian credible journalism leh code of editorial values a la vawngnung reng a, India ramah mi rin a hlawh tial tial a ni.

Keini ram kilkhawrin internet leh online a rim a ra pawh kan hriat hma khan The Hindu chuan India rama a hmasa ber ni turin Online Edition an lo nei tawh a ni. 

Similar Articles

Top