You are here
Home > World News > SOUTH CHINA SEA-A US LEH CHINA INEPNA BORUAK

SOUTH CHINA SEA-A US LEH CHINA INEPNA BORUAK

SOUTH CHINA SEA-A US LEH CHINA INEPNA BORUAK

United Nations tribunal chuan China sorkarin South China Sea a ta chei ringawt chungchang thubuai Philippines thehluh chu a ngaihtuah mekin thutlukna a siam hnai ta a, hetih lai hian China chuan he UN tribunal hi a hriat pui loh mai  bakah a pawmpui lo hrim hrim a, eng ang thu pawh tichhuak se pawm a tum lo bur niin a sawi thung si a ni.

submarine

China hi hmakhawsang atanga hnam fing leh thil tithei tak an ni a, Great Wall of China atang ringawt pawh khian an ropuizia hi sawi nep theih a ni lo va, Communist Ideology hmangin ram ropui berte zing ami an ni chho leh mek a. Compensation vanga hna pamțul ve lovin khawvela tuikhuah lian leh ropui ber mai The Three Gorges Dam an siam puitling leh mai a. Keini kă chuahva, “ Aw Lalpa, Aw Lalpa” tiho ai hian an nun khi a thianghlim fe zawk a, an rilru pawh a thianghlim a, a dam pawh an dam rei nangiang reng a ni.

China has accelerated construction on some disputed reefs
China has accelerated construction on some disputed reefs

Tichuan, ‘Kan sorkar chak tak’ kan tih chamchi aia chak China sorkar chuan Khawmual mai duh tawk lovin a ropuina leh chakna chu tuifinriat chungah lantir a tum ta a, kum 2 kal ta vel atang khan South China Tuipuiah hian khawmual a siam chawp a, indona hmanrua a chhekkhawm a, thlawhna țum hmunte a siam ta a ni.

The US has carried out shows of force ahead with aircraft carriers, this one off the Philippines
The US has carried out shows of force ahead with aircraft carriers, this one off the Philippines

Hei tak hi South China Tuipui kam vela ram, Phillipines leh Taiwan te tan chuan mita hmawlhte mai pawh ni lovin mita khanchhuk awm angin an mit a kam ta run hlawm a, anmahniin engmah an ti thei si lo va, America hnenah bawk an zualko lo thei ta lo a ni.

S2

America chuan helai chheh vel hi a rawn thlithlai ta reng a, a chang leh enthlatu thlawhna lian chi te a tir a, a chang leh indo lawng lian te a tir a, tunah hian khawmual leh boruak maia inepna chu duhtawk lovin tuifinriat chhungah tuihnuailawng hmangin an inep leh mek a ni.

S

Kum 2 kal ta atang khan China chuan Jin-class ballistic missile submarine an tih mai nuclear bomb mit nei kapchhuak thei tuihnuailawng a fehchhuahtir ta a, he tuihnuai lawng hian 12 JL-2 nuclear missiles paipawn a ni. He tuihnuai lawng hi Hainan atangin South China tuipui kaltlangin Pacific Tuifinriat thlengin tuma hriat miah lovih a kal thei a nih chu!

_67616829_south_china-sea_1_464

Hetiang a nih avang hian China hian South China Tuipui leh a chheh vel hi chu khawmual, boruak leh tuifinriat chhung thlengin a thunun mek chu ni berin an hre ta a ni.

UN Tribunal thurel chu an chhuak se engtin tak awm zel ang i maw? Kan Zoram tlang nuam atang, a him chin atang hian i lo thlir phawt mai teh ang.

Similar Articles

Top