You are here
Home > World News > SOMALIA BOMB PUAKAH MI 230 THI

SOMALIA BOMB PUAKAH MI 230 THI

SOMALIA BOMB PUAKAH MI 230 THI

Africa khawmualpui khawchhak lam Somalia ram khawpui Mogadishu-a Inrinni-a truck full-load bomb chak tak puak avangin mi 230 an thi tawh a, mi 300 laiin hliam an tuar a, hliamtuar zingah ngaihtuah-awm tak tak an la awm avangin mitthi zat hi la pun belh zel tura ngaih a ni. Bomb an tihpuahna bul hotel lian the Safari Hotel chu a chim rup niin mit ngeia hmutu BBC Somali reporter chuan a sawi a ni. He bomb tihpuah hnu lawk hian veng dang Madina district-ah car bomb chak tak tihpuah leh a ni a.

171015113940-12-mogadishu-somalia-explosion-exlarge-169

President Mohamed Abdullahi “Farmajo” Mohamed chuan, ni 3 chhung  mitthite sun nan sorkarin rampum huapa hun a hman tur thu a puang a ni.

_98326293_hi042374868

He bomb chak rapthlak ta tipuaktu-a inchhal an la awm lo va, Somalia hel pawl al-Shabab firfiak pawl tih ngei a nih an ring a ni.

 171015120011-19-mogadishu-somalia-explosion-restricted-exlarge-169

Kum zabi 7-19 inkarah khan Somalia ramah hian Islam sakhua a lut a, lalna inchuhin an buai reng a, an indo reng ringawt mai a. Kum zabi 19-naah khan Kumpinu leh Italy te chuan Somalia ram hi an awp ta a, kum 1960 khan Italian Somaliland leh British Somaliland chu ram khata insuihfinin independence an hmu a, kum 1969 khan Mohamed Siad Barre chuan sipai chakna hmangin an lal an that a, thuneihna a la ta a, kum 1991 khan Mohamed Siad Barre chu paihthla-in tualchhung indona a thleng zui ta a, an ram an ţam nasa a.

171015120012-16-mogadishu-somalia-explosion-exlarge-169

UN peacekeeping mission an hlawhchham a, kum 2005 -2012 inkarah tuifinriata lawng rawk ching pirates an pung nasa hle a, tuifinriata zin veiveh an ti ralmuang lo hle a, kum 2007-11 inkarah khan African Union peacekeeping force, Amisom chuan Somalia rambuai venghim turin Somalia ramah an lut ta a, kum 2007-a din ţan Al-Shabab firfiak pawl chuan Somalia ram chhim lam leh a laili velah hmun an khuar a, kum 2012 khan khawthlang lam ram ropuite tanpuina-in sorkar thar an din ta a, he Somalia sorkar hi Islam ruhkawl  Al-Qaeda nena inthlunzawm Al-Shabab firfiak pawl chuan an pawm lo va, buaina an siam ta chhen a ni.

 171015120009-17-mogadishu-somalia-explosion-exlarge-169

US Mission to Somalia chuan he inbeihna hi a dem thu a puang nghal a, hetiang mi dawizepte thiltih avang hian US chuan Somalia leh African Union a tanpuina chu a titawp mai dawn lo a ni, a ti a. UK Foreign Secretary Boris Johnson chuan, vanduaina tawk mitthi chhungte leh hliam tuarte ka tuarpui tak zet zet a, mihring nunna ngaihhlutna chang leh zahderna chhang  chhete mah nei miah lo firfiak  pawl ngaihdan hi ka dem tak zet a, UK chuan firfiak pawl do kawngah Somalia sorkar hi a thlawp zel dawn a ni, a ti.

171015120005-18-mogadishu-somalia-explosion-exlarge-169

Somalia ram khawpui Mogadishu-ah khuan kan kawmchhak nula-te missionary-in an awm mek a, an chanchin leh an rawngbawl dan hi internet leh social media pholan an duh lo va, an inthup tlat a, Al-Shabab firfiak pawlin an hriat an hlauh vang a ni.

 171015115718-15-mogadishu-somalia-explosion-exlarge-169

171015115116-graphic-13-modgadishu-somalia-explosion-exlarge-169

171015113751-11-mogadishu-somalia-explosion-exlarge-169

171015110243-10-mogadishu-somalia-explosion-exlarge-169

_87105739_som_hamarweyne_mogadishu_250315_afp2

 

_98316811_somalia_mogadishu2017

Captures

 

Similar Articles

Top