You are here
Home > World News > SIPAI HOTU NUNRAWNG DAMCHHUNG LUNG IN TANG TURIN HREM

SIPAI HOTU NUNRAWNG DAMCHHUNG LUNG IN TANG TURIN HREM

SIPAI HOTU NUNRAWNG DAMCHHUNG LUNG IN TANG TURIN HREM

Vawiina khawvel pum huap chanchin  thar luahkhattu chu Serb sipai hotu nunrawng Ratko Mladic damchhung lung in tang tura hrem thu hi a ni a, a chungchang thu hian ngaituah a tithui duh hle mai.

s

Kum 25 lai kal taa indona chungchang kha a ni a, Mizo tleirawl leh rawlthar tam tak phei chuan he sipai lal nunrawng hming leh a rawvazia  chanchin pawh hi an hre lo hialin a rinawm a ni.

_98857435_mediaitem98857434

Kum 25 lai BBC leh CNN kaltlangin khawvel chanchinthar hi ka lo ngaihven (follow) ve a, India rama magazine ţha ţha India Today, Frontline, Outlook tihte hi kum 10 aia tam, internet awm hma kha ka lo subscribe bawk thin a. Ratko Mladic chanchin leh a thubuai chungchang hi a tawi thei ang berin ka han ziak ang e.

A tlan bona atanga an man lai 2011.
A tlan bona atanga an man lai 2011.

Vawiina The Hague UN tribunal roreltu-in Ratko Mladic chungthu verdict a puan lai hian Ratko Mladic, kum 74 mi  hian thinrim eng phiarin roreltu chu an khum phiar phiar ta mai a, “Dawt muhlum vek a ni. He court chhunga in thusawi zawng zawng hi dawt vek dawt vek,” a ti a.  Police in court atangin an hruaichhuak ta hial a ni.

Truth Previals tih hi a dikzia vawiin an thutlukna hian a lantir chiang hle a, rorelna dik justice chuan hnehna a chan ţhinzia a tilang ching em em bawk a, mahni takchhak zawl atangin ka lo lawm ve em em ringawt mai a, Ratko Mladic-a’n a sipaite a thahtir mi 10,000 lai rau thlaleng leh nungdama la awm an chhungkhat lainate pawh an lawm ve em em in ka ring a ni.

Walter Savage Landor chuan, “In argument, truth always prevails finally; in politics, falsehood always” Inhnialnaah hian thu dik hian a tawpah hnehna a chang ngei thin a, politics ah erawh chuan dawt hian hnehna a chang thin,” a ti a.  Tom Sawyer leh Huckleberry Finn thawnthu ngaihawm tak ziaktu, father of American literature an tih bawk Mark Twain chuan , “Truth is mighty and will prevail. There is nothing wrong with this, except that it ain’t so”, “Thu dik hi a chak a, hnehna pawh a chang ngei ang. He thu hi a dik lohna a awm miah lo, a ni tak tak lo tih mai lohvah chuan,” te an lo ti a, mahse an thu thiam leh fiamthu an thiamzia an thai lang mai a ni a, thudik hi chuan rah ţha a chhuahin hnehna a chang nge nge zel a ni.

mitthi ruang hlir
mitthi ruang hlir

Bosnia satalhtu, butcher of Bosnia an tih hial  Mladic hian a sipaite chu an rambuai lai khan Bosnian Muslims (Bosniaks) mi tam tak Srebrenica leh  Sarajevo-ah a thahtir a, thubuai 11 siamsak a niin thubuai 10-ah thiam loh chantir a ni.

 

a vanglai
a vanglai

Communist ram ropui taka ngaih Yugoslavia ram kha rin loh takin kum 1991 khan a lo kehdarh ta thut mai a, Slovenian leh Croatia ram a lo piang ta a, hnam hrang hrang chenkhawmna Socialist Republic of Bosnia and Herzegovina pawh chuan independence an duh thu referendum la-in an puang ta a. Socialist Republic of Bosnia and Herzegovina rama cheng  Muslim Bosniaks (44 percent), Orthodox Serbs (32.5 percent) leh Catholic Croats (17 percent) te chuan referendum hmangin kum 1992 Febraury thla ni 29 khan independence an puang a, hei hi Bosnian Serb te chuan pawm duh lovin an indo ta a.

 _98863356_icty_figures_gra640-nc

 Bosnian Serb-te chu Slobodan Milošević kaihruai Serbian government leh  Yugoslav People’s Army (JNA) te’n tanpuiin Army of Republika Srpska (VRS) an din a, a lehlam pawl Bosnia Muslim (Bosniaks) leh  Croat te chuan Army of the Republic of Bosnia and Herzegovina (ARBiH) an din a, an indo ta a. an indona chu Croat–Bosniak War an ti a, kum 1993 khan a indo nasat lai ber a ni a. Sarajevo khawpui chhunga indona leh Srebrenica inthahna rapthlak tak tak, khawvel indopui II-na hnu lama mihring inthahna rapthlak ber a thleng ta a ni. kum 1995-ah NATO a rawn inrawlh ta a, khawthlang ram ropuite chuan inremna an siampui ta a, kum 1995 December ni 14-ahindona chu a lo tawp ta a ni.

800px-Europe-Bosnia_and_Herzegovina.svg

He indonaah hian mi 100,000 lai an thi a, mi matd 2.2 lai mahni in leh lo chhuahsanin an tlanchhia a, kum 3 an indo chhung hian Bosniak muslim hmeichhia 12,000–20,000 velin pawnsual an tawk niin an chhut a ni.

Kum 2008 khan International Criminal Tribunal for the former Yugoslavia  chuan Serb mi 45, Croat mi 12 leh   Bosniaks mi 4 chu thiam loh chantirin an chungthu rela hrem an ni a.

Sipai ni lo, civil mi pawisawi lo 10,000 lai thihna chungchangah hian Mladic hi mawhphurtu ber a ni a, Srebrenica inthahnaah khan Bosniak mipa leh  mipa naupang 7,000 chu hmun khata thah an niin an ruangte hi hmun khatah an phum vek a ni.

Kum 1995-a Indo a lo tawp hnu khan Mladic hi man tur tih a niin a tlanbo ta a, kum 16 hnu-ah kum 2011 May thla khan an man thei ta hram a. Kum 6 lai a chungthu The Hague UN tribunal-a an ngaihtuah chhung hian ni 10,000 trial an nei a, thuhretu 4650 an ko va, a thubuai ziakna lehkha phek mtd 2.5 a ni a, vawiin khan dam chhung lung in tang tura verdict chu an puang ta a ni.

Christiane Amanpour, CBE British-Iranian journalist, television host, tuna Chief International Correspondent for CNN ni lai mek hian khatih lai khan an indonaah kum khat lai an chanchin a cover a, Army of Republika Srpska (VRS)Ratko Mladic hi vawi eng emaw zat a interview a, chu ta Ratko Mladic sawi chu, “Ka hnampuite humhim hi ka hna pawimawh ber a ni, a ti a,” mahni ram leh hnam hmangaihna ‘nationalism’ tih hian hnam dang ngaihtheihlohna, huatna leh thahduhna hial neih hi khawvel hian nationalism-ah  a pawm lo a ni tih vawiina a chungthu an relna verdict  atang hian a lang chiang em em a ni.

Similar Articles

Top