You are here
Home > Asia News > SINGAPORE PRIME MINISTER LEE HSIEN LOONG THUSAWI

SINGAPORE PRIME MINISTER LEE HSIEN LOONG THUSAWI

SINGAPORE PRIME MINISTER LEE HSIEN LOONG THUSAWI

Driver lung mawl pakhat leh CM Pilot security thin ram lutukte chanchinin Social Media lam a luah khat hneh hle a, Zawlbuk-a e tang ţheuh ţheuh tih ang vel an ni a, thiam lohna an nei ve ve a. Mizote, a bik takin NGO lamte thleng hian mi kutthlak ve ngawt, physical assault hi kan ching bawk a, hei hi dan kalh a ni a, insawithiam, justify mai mai chi a ni lo.

25THAUNGSAN

Hetia thu ho lutuka kan buai mup mup lai mek hian Delhi tlangah chuan ASEAN ram 10 te leh India ram inlaichinna neih kum 25-na lawmna ni pahfawmin ASEAN-India Commemorative Summit an nei a, Nizan leh vawiin lam khan Rashtrapati Bhavan-ah  inbiakna an nei a, Singapore Prime Minister Lee Hsien Loong thuziak pawimawh lai han chuk lawr lawk ila:

DUYoSb6WsAAl0VP

dolhteaxkaeanef

cover

India leh South East Asia ramte hi kum 2000 lai kal ta atang daih tawh khan inkungkaihna kan lo nei daih tawh a, Cambodia rama Angkor Temple Complex te,  Indonesia rama Borobudor leh  Prambanan temple-ah te, Malaysia ram Kedah bula candis-ah te hian India rama piang Hindu-Buddhist sakhaw ziarang thawnthu a lo awm vek tawh a, Indonesia, Myanmar, leh Thailand rama chengte thawnthu-ah Ramayana thawnthu kha a lo tel vek tawh a, Singapore tih tawngkam hi Malay tawng chuan Singapura tih a ni a, chu chu India ram hmansang ţawng chi khat, Sanskrit tawng a ni a, Sakeibaknei khawpui tihna a ni.  

AVDMODIASEAN

Kum 2000 lai kal taa kan inkungkaihna kha dinthar leh ila, ASEAN-India Free Trade Area (AIFTA) bakah Regional Comprehensive Economic Partnership (RCEP) thawhhona thuthlung ang hian nasa zawka insumdawntawnna kalpui kan tum tur a ni. Boruak, khawmual leh tuifinriat kaltlanga inpawhna tha zawk a lo awm hian heng ram chhunga kan khua leh tuite tan hlawktlanna a ni vek dawn a, India-Myanmar-Thailand Highway hian nasa takin hmasawnna a thleng a beiseiawm a, Digital connectivity hi hmasawnna atan a pawimawh hle a, Aadhaar system pawh hian hmasawnna tam tak India ramah a thlen mek a ni.

030860fm028

Singapore chu smart city a ni tawh a, India ramah hian khawpuiah mi an pemkhawm nasa tawh a, India rama  smart city 100 siam a tumna kawngah hian Singapore chuan theihpatawp chhuahtin a ţanpui dawn a ni, a ti.

20140523233155

Naktuk Republic Day hian heng ASEAN ram hruaitu, India khual ţha 10 te hi Republic Day khuallian an ni vek hlawm dawn a, China chuan India leh heng ASEAN ram te inlungrual taka insumdawntawn an tumna chu lawmawm a tih thu a sawi rualin India media thenkhatin China elsen zawnga thu an thehdarh kher thin hi chu sim vat se a duh thu Chinese foreign ministry spokesperson Hua Chunying chuan a sawichhuak a ni.

HUACHUNYING

500px-ASEAN_members.svg

BETTER LATE THAN NEVER

Heng ASEAN ram 10-ah te hian China chuan bu a khuar nghet vek tawh a, an market hi China thil siam hian a capture vek tawh ti ila, kan sawi sual tam lo ang, a bik takin Myanmar ram, industry leh factory kum 50 lai awm tawh lohna ramah phei khi chuan.

Tichuan Pathian thil rel dan hi hriat phak rual a ni lo va. Mizo leh Zohnathlakte inkara khi awm thin pawh India ram sorkar laipui lam hian a rawn tiziaawm ta zel mai zawk a, ramri km 16 huam chhunga mite phei chu zalen taka inkalpawh phalna te a rawn siam ta a. Mizo tlawmngai pawl thenkhatte’n Foreigner is Foreigner an ti a, Burma mi hnawhchhuah runpui an neih laia an hotute kha chuan an hnar an hmu lian ve tawh hle chuan ka ring ţhin a. Zawlbuk hun laia val upate thu thu-a khua leh tuite chunga hlei an lo len ang, mi chhe dai kilkara mite’n thing nawi an fawm loh avanga an leikapui an phehsak ang  kha a bo ta tial tial a, Constituition of India hnuaiah kan leng za ta vek a, dan chunga leng tumah kan awm lo va, CM Pilot security te pawh hian mi kutthlak theihna, License to physical assault an nei bik tawp lo a ni tih hi kan hriatnawn a ţha hle awm e. Chhim lama kan MLA 2 vengtute pawh khan anmahni motor side duh lo nia an puh driver te kha kut an lo thlak tawh tih thuthang a awm tawh bawk a, an puh anga CM Pilote leh  zelin mi kut an thlak a nih tak tak chuan a zialo lam pang chu a ni e.

Similar Articles

Top