You are here
Home > World News > SINAI -AH EGYPT SIPAI 6 LEH HEL 24 THI – AL JAZEERA

SINAI -AH EGYPT SIPAI 6 LEH HEL 24 THI – AL JAZEERA

SINAI -AH EGYPT SIPAI  6 LEH HEL 24 THI – AL JAZEERA

Chawlhni khan Sinai thlaler hmar lam Sheikh Zweid khaw chhehvela Egypt security post te chu ralṭhuam ṭha tak tak, heavy machine gun leh laipui keng hel pawl mi eng emaw zatin a rual deuh thawin an bei thut a, Egypt sipaite hi Apache helicopter gunships in a rawn ṭanpui nghal var a, Egypt Sipai 6 an thi a, 20 laiin hliam a tuar a, Egypt sipai thuchhuah chuan hel pawl mi 24 an thi a, pakhatin hliam a tuar a, an lirthei hman SUV 2 tihchiat  niin a tarlang a ni.

4f65adb4cc084ed48c37ad2ff04d8a61_18

Islamic State of Iraq and the Levant (ISIL @ISIS) chuan Sinai Egypt sipai beitute hi an pawlte niin an chhal a, Zirtawpnia Egypt sipai 6 tihlumtute pawh kha an pawl bawk niin an chhal a ni.

2A32221800000578-3147511-image-a-6_1435918650491

Palestinian political party 2, Hamas leh Fatah inremna an siam theih tak avangin Rafah border crossing hi vawiin Thawhṭan leh Ninga ni-a hawn tum a ni a, hetianga inbeihna a awm leh tak avangin Egypt chuan Gaza nena an inkar ramri Rafah border crossing hawn a tum chu a sut leh ta rih a ni.

Sinai hmar lam ramri chhehvelah hian tun hma atang reng khan ISIS Egypt firfiak pawl an hrang hle thin a, Thla hmasa khan heng hel pawl hian sipai convoy an lo lambun a, sipai 20 lai an lo kap hlum tawh a, zirtawpni khan sipai 6 an kap hlum leh bawk a ni.

Kum khan heng firfiak pawl hian Egypt sipai 30 lai an lo that tawh a, Egypt sorkar hian Gara-a sorkarna chelh mek Hamas te hi firfiak pawl ralthuam pe ru te-ah a puh a ni.

 

Courtesy: AL JAZEERA AND NEWS AGENCIES

 

Similar Articles

Top