You are here
Home > Asia News > SHASHI THAROOR TITI NGAITHLA ILA……

SHASHI THAROOR TITI NGAITHLA ILA……

Mizo thalai lehkhathiamte tan Facebookah thluak sawizawina post chhiar tur a tlem em a, zan mutmu tuah paha ngaihtuah atan ka mi ngaihsan, țhianni nang nei rawh tih khawpa fel lutuk mah mah Congress senior leader Shashi Tharoor-a’n an party vice president Rahul Gandhi thlavang a hauhna hi ka han ziak mai mai ang e.

Tin, heti hi a ni a, Congress vice president Rahul Gandhi chuan India Prime Minister lar lutuk mah mah, darkar li vel chiah sawi lawka India rama pawisa leng vel 86% Rs. 500 note leh Rs 1000 note tithi thuttu Narendra Modi eirukna hi ka man chiang lutuk a, India ramah hian lir na tak ka tinghing dawn a ni  a ti a, Parliamentah thusawi ka duh a, kan PM mawng hlim ka duh em em a, Parliamentah thusawina hun leh kan PM mawng hlimna hun min pe duh tlat lova tiin chhuanlam a siam kikawi vel a.

He Rahul Gandhi lir tihnghin tur a sawi hi BJP chuan chaw tak khukpui tlakah an lo ruat hauh lo mai a, fiamthu thawh ve lema  nuihzatthlak lo ber of the year atan an lo puankhum vel a ni.

Tichuan India Today lama pakai ta TV presenter, Karan Thapar hi kan hre theuh chuan ka ring a, kan lo hre lo a nih hlauh chuan kan caliber awm pawh chu a hisap theih vek ang a, in mi  ngaihhnathiamna pawh ka rawn ngen tel ni ta mai se.

Congress senior leader Shashi Tharoor chuan he ti hian a sawi a ;-

  1. Centre hian Rahul Gandhi hi pawisa tihthih chungchang thusawina hun parliamentah an pe duh lo a ni.
  2. Rahul Gandhi hian PM Modi eiruknaa a inhnamhnawih chian zia evidence a nei a ni. A thuruk puanchhuah tur hian lir a tinghing ngei dawn.
  3. Rahul Gandhi hian PM Modi eiruknaa a inhnamhnawihna evidence hi mipui hriatah a tlangzarh thuai dawn.
  4. Sorkar laipui zawk hian Parliament kal tluang thei lo turin boruak a siam tlat a ni.
  5. Sorkai laipui leh eptu party inkarah hian inrinhlelhna lian namen lo a awm chiang a ni.
  6. Parliament rorel thei lo va siam reng hi thil nih phung pawh a ni zozai lo a ni.
  7. PM Modi hian pawimsa tihthih tur hi Parliament phalna laa ti tur a ni.
  8. Sorkar laipui hian pawisa tihthih chungchangah parliamenta vote lak hi a hlau hluah hluah a ni..
  9. BJP hian Congress rorel lai hi Parliament-ah kum 10 bengchheng siamin min lo tibuai tawh a ni.
  10. Pawisa tihthih thut hi ruahmanna fel lo tak chunga tih a ni a, hei hian kan ram sum leh pai che vel a nghawng chhe hle dawn a. kan GDP pawh a hniam phah hle dawn tih hi ka vaibel tih ang tluka chiang a ni.

Similar Articles

Top