You are here
Home > World News > SHASHI THAROOR INTERVIEW: HOW BRITISH COLONIALISM ‘DESTROYED’ INDIA

SHASHI THAROOR INTERVIEW: HOW BRITISH COLONIALISM ‘DESTROYED’ INDIA

SHASHI THAROOR INTERVIEW: HOW BRITISH COLONIALISM ‘DESTROYED’ INDIA

He pa ţawng thei lutuk leh dak thei lutuk leh  a Sap ţawng thiam dan em em hi a ngeiawm hluah hluah a,a zahpuiawm mah mah a,  a interview-tu Sap pachal a tihrilhai lutuk hi a manganthlak zawk a ni.

Capturesashi tadoor

 Shashi Tharoor hi PM Modi hun hman zawh hnua India PM tur ngei a lo ni e, an ti fiamthu hial a ni. A dak theih dan hi a naupan lai hian Lalruanga anga a lei hmawr hlehsak chi a ni.

Capturess td

William Shakespeares thu leh hlate hi ka vaibel tih khawpin a bel a, King James Version sap thu aiin William Shakespeare thu phuhchhuah hi tunlai quatation-ah an senluh tam zawkzia te hre chiang em emtu a ni a, Wialliam Shakespeare pian cham pah phaka thuziak tur atan an sawm hial a ni a, English literature-ah pawh a mikual lovin a tlangnel hle a, Sap tawng hi a duh duhin a chhip sam tangin a thuai let thei a, a Sap trawng thiam phena a idea mawlh mai hi khawvelin mak a tih a tling a ni. 

 LALRUANGA

Nakinah chuan Zawltleipuii chuan nau a pai leh ta a. Ni khat chu a feh dawn a, ni a sa tha hle a. A naupai hram tawh tak chu a lo tawng ta a, “Ka nu, vawiin chu khua a chhe dawn, siksil keng rawh,” a ti a. A nu chuan, “Nang naute, pian pawh la piang lo khan engmah i hre lo ang e,” a ti a, a dul chu a beng ta kawrh a. A va feh ta a. Lo a thlen atang chuan ruah a sur ta char char a, nilengin ruah do chung chuan a bung ta a. A tukah chuan zing atangin ruah a sur buan buan a. Zawltleipuii chuan siksil ken a tum ta a. A puma naute chuan, “Ka nu siksil keng suh. Khua a tha dawn, i ning ngawt ang,” a lo ti leh a. “Khawiah nang nau piang lo khan i hre hlei lawng e,” a ti a. A keng lui ta a. Ni a sa tha leh ta em em si a, siksil chu a ning a, a paih a paih ta mai a.

Zawltleipuii tlaia a hawng chu, kaiten-ah nau chu a thlauh(nei) ta mai a. Naute chu inhnuaiah a tla tlang a, “Hei sazu kua ka hmu e, ka lai nghal dawn, ka nu tuthlawh kha rawn thlak teh,” a ti a. A nu chuan tuthlawh chu a thlak ve mai a. Sazu chu a man ta teuh mai a. A hmingah Lalruanga bawk an sa leh ta a, a pa chuan a tawngthei lutuk dawn, a lei hmawr hi tan ila a tha ang, a ti a. A lei chu a tan sak ta a. Ditipah a zep ta daih a. Chuti chung chuan an khuaa naupang tawng thei ber a la ni ta fo va.

Hun a lokal zel a, Lalruanga pawh a lo tlangval chho ve dawn ta a. Nikhat chu an khaw nula hmelthaa an sawi ve hat hat thin kha a rim a. Nula puantah lai chu a pawhchah sak chhen mai a. Nula chuan, “Lalruang pawt chat tawh suh, i hetih vang….” a sawi zawm duh lo va. Lalruanga chuan, ‘Engnge ka hetih vang?” a ti a, a pawt chat leh tan ta a. Nula chuan, “Pawt chat tawh suh, i hetih vang hi a nih hi i nu leh pa in…” a ti a, a sawi zawm leh duh ta lo va. Lalruanga chuan, “Eng maw ka hetih vanga ka nu leh pa in?” a ti a, a pawt chat leh tan ta a. Nula thin chuan a tuar ta lo va. “Lalruang, i hetih vang hi a nih hi i nu leh i pa in i lei an tan,” a ti ta a. Chu veleh Lalruanga chu a tlan haw ta nghal a. A nu leh a pa hnenah chuan, “Ka nu, ka pa, khawnge ka lei in dah?” a ti a. A pa chuan, “Ditipah,” a lo ti a. Bangah a tlan lawn zawi zawi a, a lei chu a la a, a vuah leh ta a.

 

Similar Articles

Top