You are here
Home > Zoram > SELAM-AH BUHFAI HARSA

SELAM-AH BUHFAI HARSA

In 220 vel awmna Selam khua chuan Ration buhfai thla hnih vel an dawn tawh loh avangin mipuiten harsatna an tawk mek.

Supply buhfai hi Hnahlan Kudam atanga la thin an niin Selam leh Hnahlan inkar kawng a chhiat nasat avangin eng lirthei chi mah a kal thei lova. Supply buhfai retailer in a lakluh theih loh avangin buhfai neilo ţhahnem tak an awm tawh. Chhungkaw ţhenkhat chuan vaimim leh thlai hnahte chaw-ah an ring hial tawh a. Buhfai leh buhhum ngah deuhte ta a nei lo-ten pukin buhfai awm ang angte an eiho hlawm a ni.

Selam YMA Vice President N.Lalhmachhuana sawi danin Selam hian Tualcheng kal tlangin Hnahlan a mi supply buhfai an la thin a.Tualcheng leh Selam inkar kawng chu tuihawkin a la khuar nasa n lirthei an tlan thei lova. Vawiin khan khawtlang in kawng siamin hnatlang an nei a. Pick up pakhat chu Hnahlan supply buhfai phur turin a kal chhuak thei hram.

Hetihlai hian tlang hrileng in he khua hi a tuam mek a. Hritlang khawsikin mi tam tak a tlakbuak mek a ni.

Kawng chhiat avang hian Selam leh Champhai inkar maxi cab service pawh tihtawp a nih tawh a ni.


Courtesy; Champhai PTC

Similar Articles

Top