You are here
Home > World News > SCIENTIST ROPUI STEPHEN HAWKING CHANCHIN I HRIAT LOH 7

SCIENTIST ROPUI STEPHEN HAWKING CHANCHIN I HRIAT LOH 7

SCIENTIST ROPUI STEPHEN HAWKING CHANCHIN I HRIAT LOH 7

1. NAUPANG BAWRHSAWM LEH SEPSEL; Stephen Hawking hi a naupan laiin lehkhathiam thei a ni ngai lo va, kum 8 mi a nihin ziak leh chhiar a thiam chang chang a, a tleirawl chhuah a tangin a tuina zawngah a kal fuh hlauh va, a thiante nen computer an remkhawm a, hun leh vansang lam chanchin a chemkalna zawng taka a kal hnu hian a ngaihtuahna a sawrbing thei ta hle a, kum 17 mi a lo nih chuan physics zir turin scholarship a hmu ta hial a ni. 
2. NATNA KHIRH TAKIN A TLAKBUAK; Cambridge University-a a luh tirhin vura a tlengnaah a chesual ta hlauh mai a, natna țihbaiawm leh khirh tak, the degenerative motor neuron disease Amyotrophic Lateral Sclerosis (ALS) a vei tih hmuhchhuah a ni ta a, an hriat tirh chuan kum hnih leh a chanve chiah dam thei turah an ngai a. A blessing in disguise,malsawmna inthup, hla siamtu-in ka dil loh zawk malsawmna a tih ang deuhvin a chet theih lohna chuan a ngaituahna sawrbing theina namen lo a neihtir ta thung a, vanthengrengah a ngaituahna zawng zawng nen a leng veng veng thei ta a ni. 
3. ONE EQUATION@FORMULA ; Hawking hringnun hi ziak sen a ni lo ang a, equation pakhat chuan a ziah theih thung. He a formula 1974 kuma a hmuhchhuah hian mihring ngaihtuahna reng rengin a hriat phak loh quantum theory, general relativity leh thermodynamics te chu thil chi khatah a suihfin thei ta vek a, black hole chanchinte leh vanthengreng chanchinte pawh a ngaihruat theih phah ta a ni. 
4. ŢAWNGNA KHAWL VUAHSAK; A natna an hmuhchhuah tirha dam rei lo tura an sawi kha a paltlang thei a,mahse 1985 kum Geneva-a a zin tumin pneumonia natnain a tlakbuak thut a, nikhaw hre lovin a awm a, oxygen pek a ngai ta hial a, tracheotomy operation an neih hnu chuan Hawking chu a thaw thei a, mahse a dam chhung a țawng chhuak thei dawn tawh lo va, speech synthesizer an tih khawl hmangin an țawngtir ta a ni. 
5. BIANG SAWI ATANGA TAWNGNA KHAWL ; Hawking țawngna khawl synthesizer hi California-based company called Words Plus siam a ni a, Apple II computer speech program, Equalizer an tih hmangin Hawking-a’n a kutzungtang hmangin a hawrawp duh zawng a chhu a, țawng angin a rawn richhuak ta țhin a ni. Tunah chuan Hawking hian a kut zungtang pawh a tichhe thei ta lo va, a tarmit-ah infrared an vuahsak a, a biang a tihsawih leh a tihchet dan a zir-a tawng ri chhuak thei tur khawl an siamsak leh ta a ni. 
6. THUZIAKMI STEPHEN HAWKING; A tawng thei tawh lo va, a kut zungțang tak ngial pawh a tiche thei tawh lo. A indawm kun ringawt lo va, a thil zirchhuah tam tak leh a ngaihtuahnate chu khawvel hriat atan ziahchhuah ngei a ngai si! A fanu Lucy tanpuina nen 1988 kum khan A brief History of Time a ziak puitling thei a, hralh a kal fu mai, A ma chanchin bakah science-themed novel te a la ziak zel.
7. MI HUAISEN, HNEH THEIH LOH NUN NEITU; Hetiang khawpa taksa bawrhsawmna leh rual ban lohna-in tlakbuak chung hian a piansualna hi a zahpui ngai lo va,TV-ah pawh a inlan hreh phah ngai lo va, 1993 kuma Star Trek The Next Generation-ah pawh a chantupa-ah tangin Albert Einstein leh Isaac Newton te nen an in dos-bati lem a chang a, 1997 kuma tihchuah Stephen Hawking’s Universe mini series leh 2013 kuma siam Hawking documentary-ah pawh a inlan a ni.

 

HAWKING THIL HMUHCHHUAHTE;

• Tun lai khawvela scientist la dam zinga ropui bera an ngaih physicist Stephen Hawking hian black holes awmdan te a hrilhfiahin khawvel lo pianchhuah dante a zirbing a. Tun hma atanga mithiamte thil hmuhchhuah leh ngaihtuah gravitation, cosmology, quantum theory, thermodynamics leh information theory te chu Hawking hian zaikhatah a rawn luantir thei ta a, chu chu a ropuina lai tak chu a ni a, mi naran tan chuan ngaihruat thiam a harsa deuh mai thei. 
• Sir Isaac Newton khan apple rah tla a hmuh atangin khawvelin a lo hriat ngai reng reng loh gravitation leh gravity kha a rawn hmuchhuak a, thirhipthei magnet field ang ni lo, field dang dai tak hi heng ni leh thla leh khawvel ang thil sakhat lian tak tak te hian vanthenrengah khian an siam niin a ring a. Albert Einstein khan Newton ngaihdan chu rawn phet thla-in theory of general relativity atang chuan lei leh van leh nite khian vanthenreng-ah khian inhipna field an siam a ni lo va, vanthenreng khian field a nei hranpa ve hrim hrim a, a property pakhat a ni e, a rawn ti ta a. 
• Marble hi thleng kum-ah hian chak takin lir ta se, tibuaitu a awm loh chuan a lir reng mai dawn a ni, chutiang chiah chuan kan chenna khawvel pawh hian ni khi a helna ngaiah a hel ta reng mai a ni, engvang nge tih chuan Ni khi a mass ( a sakhatna) a lian em mai a, a chhehvela vanthengrengah khian khur ang curve ang siam vang a ni, Einstein chuan a ti a. 
• Einstein theory pakhat lehah chuan vanthenrenga thil sakhat lian lutuk mai, entirnan arsi lian lutuk te hi a mah leh a mah a inhipna avangin a insawhmuk tulh tulh a, a tawp a tawpah chuan a mup lutuk kha sihsen tiat leh hriau mawr tiat aia te singularity-ah a chang thut thei a ni, a ti . Chu thil muk intel khawmna chu a han muk mai mai khawp a, ni eng leh ni eng zungzam pawh a hip lut thei ta a ni, a ti. Chu thil muk intelkhawm chu black hole an tih chu a lo ni ta a ni. 
• He Einstein ngaihdan hi Atom bomb siamtu zinga tel ve American physicist Robert Oppenheimer leh a thawhpui Hartland Snyder te chuan a thlawp thu 1939-a a paper present-ah a rawn sawi lang a. Chu mi hnu chuan Einstein theory hi scientist tam takin an awi thei lo va, a tham ral hman tep hial a. 
• Hawking chuan 1959 kum atang khan University of Oxford-a a zirtan atanin tih tak takin a han bei ve leh ta a, Princeton University-a John Wheeler, , UK-a Roger Penrose leh Soviet Union-a Yakov Zel’dovich te nen an zir ta tak tak a. 
• Hawking chuan University of Cambridge-ah cosmologist Denis Sciama kaihhruainain PhD a zir leh ta a, general relativity leh black holes lam a thlurbing ta a. Khatih laia mi nuihzatbur Big Bang Theory a han luhchilh ta tak tak a, a thluak thatzia leh a ngaihtuahna sawibing theihna chuan khaw eng leh beiseina thar a rawn hmuhtir ta zel a. Hawking chuan Big Bang chu Albert Einstein sawi singularity letling chiah, a insawrmuk zawng ni lo va, a puakdarh zawnga thil awm a ni tih a rawn hmuchhuak thei ta a ni. 
• Penrose nen chu ngaidan chu an ziakchhuak ta a, 1970 kum khan paper an buatsaih thei ta a, general relativity ngaihdan chuan universe hi singularity atanga rawn insiam a ni, an rawn ti thei ta a ni. 
• 1970 kum tawp lamah chuan Hawking chu a natna a zual a, mangang taka zana a mut laiin mak tak maiin Black hole chungchang hriatna thar a ngaihtuah chhuak ta zut zut mai a, black holes awm zel dan tur te nen lam pek ang maileh hrilhtu awm ang maiin a hrechhuak ta zung zung mai a ni. 
• Hawking chuan black hole hi a te tial tial thei tawh lo va, a lian tual tual ziah a ni tih a rawn zirchhuak ta bawk a ni. 
• Black hole reng reng a tê zawngin an inphel sin ve thei ngai lo tih a hre chhuak thei ta bawk a.
• A sei lutuk dawn duh tawk rih phawt mai ang.

Courtesy; BBC & Bio.
http://www.bbc.com/…/20160107-these-are-the-discoveries-tha…
http://www.biography.com/ne…/stephen-hawking-biography-facts

10577143_781418371962716_4403894253074392688_n

10367137_781418565296030_5428341150737308285_n

Everything formed in the Big Bang (Credit: Detlev van Ravenswaay/Science Photo Library)
Everything formed in the Big Bang (Credit: Detlev van Ravenswaay/Science Photo Library)
Massive objects warp space and time around them (Credit: NASA/Science Photo Library)
Massive objects warp space and time around them (Credit: NASA/Science Photo Library)
There is no escape from a black hole (Credit: Henning Dalhoff/Science Photo Library)
There is no escape from a black hole (Credit: Henning Dalhoff/Science Photo Library)
Black holes are collapsed stars (Credit: Henning Dalhoff/Science Photo Library)
Black holes are collapsed stars (Credit: Henning Dalhoff/Science Photo Library)
At quantum scales, things get weird (Credit: Mark Garlick/Science Photo Library)
At quantum scales, things get weird (Credit: Mark Garlick/Science Photo Library)
Particles appear and disappear (Credit: Equinox Graphics/Science Photo Library)
Particles appear and disappear (Credit: Equinox Graphics/Science Photo Library)
Black holes should emit "Hawking radiation" (Credit: Richard Kail/Science Photo Library)
Black holes should emit “Hawking radiation” (Credit: Richard Kail/Science Photo Library)
Is all matter really made of tiny strings? (Credit: Mehua Kulyk/Science Photo Library)
Is all matter really made of tiny strings? (Credit: Mehua Kulyk/Science Photo Library)
Is the information that falls into a black hole truly lost? (Credit: Jean-Francois Podevin/Science Photo Library)
Is the information that falls into a black hole truly lost? (Credit: Jean-Francois Podevin/Science Photo Library)
The universe began with a Big Bang (Detlev van Ravenswaay/Science Photo Library)
The universe began with a Big Bang (Detlev van Ravenswaay/Science Photo Library)

Similar Articles

Top