You are here
Home > World News > SAUDI ARABIA LEH IRAN AN INCHALTAUH CHHAN? – BBC

SAUDI ARABIA LEH IRAN AN INCHALTAUH CHHAN? – BBC

SAUDI ARABIA LEH IRAN AN INCHALTAUH CHHAN? – BBC

Ui leh kel thlun pawlh chu nep te a ni. Saudi Arabia leh Iran inhmelmakna chuanhlet a chhuah zel a, tunah hian Lebanon Prime Minister chuan a nihna atanga a ban thu Saudi Arabia khawpui Riyadh atangin a puang a, thu a buarchuarin a chingchivet zo ta a, a kaikuang chu eng ber nge ni ta ang le?

Iran's Ayatollah Ali Khamenei (L) and Saudi Crown Prince Mohammed bin Salman
Iran’s Ayatollah Ali Khamenei (L) and Saudi Crown Prince Mohammed bin Salman

Saudi Arabia leh Iran hi ram inţhenawm an ni nachungin an sakhaw vawn a inang lo va, Middle East-ah thuneitu zawk leh chungnung zawk nih tumin an intlansiak mek a, Iran-ah  hian Shia Muslim an tam zawk a, Saudi Arabia hi Islam sakhaw lo zikchhuhna leh lo pianchhuahna hmun pawimawh a ni a, Mosolman ramah chian hotu nihna  luahlumtu a ni a, Sunni Muslim tamna ram ropui a ni thung a.

_98799032_03_who_supports_who_640-nc-3

Kum 2003-a US-in Iraq ram, Sunni muslim ram a run a ţang khan boruak a inthlakthleng nasa-in boruak a inlunlet ta thut a, Iran hmelma hlun Iraq ram-ah hian Iran thununna a tlakhniam pah ta em em mai a. Kum 2011 atang khan Arab ramah harhtharna leh an lalte duhlohna avanga helna uprising namen lo a lo chhuak ta kha a ni a. He buaina hi Saudi Arabia chuan remchanna leiin Syria, Bahrain leh Yemen ramte an thunun theihna turin hel pawl an din ta hlawm a.

_98794250_shia_mid_east_640map-nc

Iran ramah hian kum 1979 khan revolution a awm a, Shia Muslim-in sorkarna an la ta a, an ram piahlam thleng thlengin Shia Muslim lalram din belh zel an lo tum ta a.

_98794249_sunni_mid_east_640map-nc

Syria ram buai-ah hian Iran chuan a lang a pauvin Syria sorkar a thlawp a,sipai pawh a thawn a. Hetah tak hian Saudi Arabia tlawp Syria hel pawlte chu Syria, Russia leh Iran sipai ţanrualte chuan an sawp ta zek mai si a. Lebano rama hel pawl lian tak Hezbollah hi Iran sorkar tanpuina dawng leh a thlawp tlat an ni bawk a.

Tichuan, Iran hian Middle East-ah hel pawl hrang hrang ţanpuiin kua a hreuh nasa hle ta mai a, hei hi Saudi Arabia Crown Prince Mohammed bin Salman chuan a hmu thei ta lo va, Saudi Arabia sangawi zawnpui UAE, Kuwait , Bahrain, Egypt leh  Jordan ramte nen ţangrualin Middile East-a Muslim ram hrang hrangah thuneitu zawk nih an tum ve ta bawk si a ni.

_98799027_02_historical_graphic_640-nc

America ram hruaitu US President Donald Trump chuan Iran ram hruaitute hi kawhmawh bawl chingah a puh a, President hlui Obama hun laia US leh Iran nuclear inremna lo siam tawh chu ţhiah a rawt mek a, chu chu remchanna leiin Saudi Arabia chuan US nen insiamrema Middle East-a thuneitu nih tumin chak takin hma a la ta buan buan a, Lebanonram a buai phah ta a, Middile East ram dangah awh buaina hian a la kangkai zel ang tih a

rinawm hlel ta lo a n

 

_98799025_78c67f5b-d904-4281-ac4b-315da7ae2247

A hmawrbawk nan thukam khatin han sawifaih tum ta ila:Saudi Arabia rmah lal thar a lo awm hnu hian US behchhanin Iran ram leh a sangawi zawnpuite sawp a tum mek a, Middile East ram boruak a ralmuang lo ta hle a, hei hi Islam sakhaw lian pahnih, Shia Muslim leh Sunni Muslimte inkar boruak chhiat vang a ni ber a ni.

US leh USSR inep vanglai Cold War ang kha Middle East-ah a thleng mek a, suuni Muslim leh Shia Muslimin ram lak an tum ve ve a, boruak an tichiri ta mek a ni. 

 

Similar Articles

Top