You are here
Home > Zoram > SAPȚAWNGA THU LEH HLA ZIAK THIAM MIZO NU CHAWIMAWI

SAPȚAWNGA THU LEH HLA ZIAK THIAM MIZO NU CHAWIMAWI

Government Aizawl College Alumni group– te chuan an zirtirtu, thu leh hla phuah lama hlawhtling Associate Professor Lalrinmawii Khiangte hnenah chawimawina an hlan.

Government Aizawl College Department of English-a Associate Professor Lalrinmawii Khiangte thuziak “For a Better Tomorrow” tih chu kum 2011 khan “Writings from North East India” ah Oxford University Press chuan a lo tichhuak (publish) tawh a. Hemi hnu hian kum 2016 a college zirlaibu a telh turin Christ University, Bangalore chuan a thlang leh a , an zirlaibu BLENDS 1 Additional English text book ah pawh zir tel a lo ni tawh a ni. He thuziak “For a Better Tomorrow” hian hmasang nun dan, khawtlang nun dan, hnam zia leh politics te tarlangin Mizoram tana hmakhua eng leh țha tak beisena chungchang a tarlang a ni.

Hetianga thu leh hla lama hlawhtlinna lian tak changtu Associate Professor Lalrinmawii Khiangte chu an lawmpui zia lantir na’n Government Aizawl College Alumni group-te chuan a chenna New Secretariat Complex ah chawimawina hi an hlan a ni.

 

Courtesy: DDK Aizawl

Similar Articles

Top