You are here
Home > World News > SAPHAI HUANGTAU

SAPHAI HUANGTAU

SAPHAI HUANGTAU

sub-buzz-630-1466469228-1

Australia ram Queensland, Mission Beach- Trina Hibberd chu zan reh laiah thawm eng emawin a tiharh a, a han tho va, a han enchian nak chuan saphai lian leh sei em em mai, feet 16-a sei leh kg 30- rit chu a mutna pindanah a lo tleng lut hi a lo ni a.

Tihngaihna dang awm hek lo, zing lam dar 4 velah rul man thiam a pun ta ringawt a, an rawn man ta a ni.

saphaisaphai 1 saphai 3

Trina chuan hi saphai, Monty a tih mai hi  an in chungah kum 2012 atang khan a awm tawh a, khawthim hnu hian chaw zawng leh tui in turin a vakchhuak thin a, khawvar hmain a tawmna ngaiah a tawm leh mai thin a, a mutna pindanah chuan tun hi a vawikhat rawn vahluhna niin a sawi a ni.

Queensland Department of Environment and Heritage Protection chuan saphaite hi mi in leh a chheh velah thlamuang takin an khawsa fo a, Carpet pythons phei hi chuan mi in ceiling chungah thlamuang takin an awm thin niin an sawi a ni.

Hnampuiho hi chuan keini Mizote ang hian rul tiamin rannungte hi an hmuhve leh tihhlum an tum  nghal mai lo deuh chu niin a lang a ni.

Similar Articles

Top