You are here
Home > World News > SAKEIBAKNEIIN ANMAHNI VEHTU SEH HLUM – BBC

SAKEIBAKNEIIN ANMAHNI VEHTU SEH HLUM – BBC

South Africa ram Kruger National Park-ah sakeibaknei kah tuma a ruka vehtu nia rin chu sakeibakneite hian an seh hlum a, a ruang an eizo deuh thaw.

Limpopo police spokesman Moatshe Ngoepe chuan, “ Sakebakneiin an seh hlum tak hian a rukin sakeibaknei a pel a, a chesual ta ni berin a lang a ni,” a ti a. Sakeibakneite hian an mi seh ruang hi an eizo deuh vek a, a lu chiah an ei bang a, a lu bulah hian silai, a mu thun sa diam leh silaimu dang hmuh a nih thu a sawi bawk a ni.

Tunlai hian sakei ruh a van tak em avang hian sakeibaknei ruh hi South East Asia lamah hralh a tla hle niin Wildlife charity the Born Free Foundation chuan an sawi a, kum 2017 January thla khan Limpopo-a sakeibaknei 3 chu tûr-a hrai hlum an niin an ke leh an lu an lo tanbung daih a ni.

Kruger National Park  hi Africa khawmualpuia game reserve lian berte zinga mi niin 19,485 square kilometres (7,523 sq mi) a zau a ni a, Limpopo leh  Mpumalanga province-ah a awm a ni.

 

Similar Articles

Top