You are here
Home > Sports > RUSSIA A MUALPHO

RUSSIA A MUALPHO

The International Olympic Committee (IOC) chuan August ni 5 atanga țan mai tur Rio Olympics-ah Russia infiam mite tel an khap dawn leh dawn loh vawiin hian a puang dawn ta.

World Anti-Doping Agency chuan Russian infiam mite hian thuneitute remruatna-in intihchakna damdawi an lo hmang ru fo tih an hmuchhuak a ni.

Wada-commissioned report chuan kum2011 atang August 2015 inkara summer & winter Olympic sports-ah te khan Russian infiam mite zun, urine endik chungchangah  World Anti-Doping Agency te bum nan Russia thuneitute chuan doping pragramme an lo tihpui thin tih  hmuhchhuah a nih thu a tarlang.

Dr Richard McLaren-a’n Sport chi hrang  hrang 30-a tel Russia infiam mite zun, ni 57 a zirchianna atangin Russia infiam mi 580 laiin damdawi hman phal loh an lo hmang ru tih a finfiah a ni.

He Dr Richard McLaren report avang hian World Anti-Doping Agency chuan, Russian Olympic Committee  leh Russian Paralympic Committee ten Rio 2016-a tel tura Russia  ram aiawh infiam mite  hming a thehluh  reng reng tumah teltir lo tawp turin The International Olympic Committee (IOC)-ah rawtna a thlen a ni.

Russia President Vladimir Putin chuan hemi chungchanga a mawhphurtu chu a ban tur thu a puang a, Tass news agency chuan deputy sports minister Yuri Nagornykh chu ban hmasak ber tur a nih thu a tarlang.

Similar Articles

Top