You are here
Home > Zoram > RUAH TLA TAM LAM CHHINCHHIAH DAN LEH SAWI DAN

RUAH TLA TAM LAM CHHINCHHIAH DAN LEH SAWI DAN

RUAH TLA TAM LAM  CHHINCHHIAH DAN LEH SAWI DAN

Hmanlai Mizo pi leh pute thil teh dan leh an tehkhawng sawi dan kha chiang mang lo a lo awm nual a. Entirnan, tuibur hmuam da, han tih te, ran leh ramsa len zawng sawina sum kha  pate sum leh palian sum te a awm leh a, hmanlai lo fing khat leh tun lai lo fing khat pawh a intiat lo thei hle tawh mai thei a ni.

Sappui lung fingte bawk hi hetiang lamah chuan an lo fimkhur a, Physics-ah phei chuan khawvel pum huap tehkhawng inang vek hman a ni a. International System of Units@SI units hi khawvel pum huapa hman tlanglawn ber a lo ni ta a, a rih zawng teh nan kg, a hlat zawng leh sei zawng teh nan meter, hun rei zawng sawi nan second, a lum lam leh a vawh lam tehna Kelvin etc..

Ruahtui tla tam lam sawi nan hian inches emaw mm@millimeter emaw  an hmang a. Hemi chungchang hi a chepa kai atangin tawitein han sawi ta ila.

rain gauge

Hmasang Grik mifingho chuan BC 500 vel atang khan ruahtui tlak tam lam an lo chhinchhiah tawh a, India ramah hian BC 400 vel atang khan ruahtui tlak tam lam an lo chhinchhiah thiam tawh a. Korea ramah khian kum 1441 khan Cheugugi chuan ruahtui tlak zat chhinchhiahna hmanrua a lo siam tawh a. Kum 1662 Sap ramah Christopher Wren leh Robert Hooke te khan ruahtui tla chhinchhiahna rain gauge an lo siam tawh a.

800px-Exterior_tipping_bucket

Khawchin lam mithiam George James Symons, Sap pachal chuan Sap ram hmun hrang hranga ruahtla a rualkhai zawka chhinchhiah dan tur a lo siam tawh bawk a.

funtube2

Tichuan Sap ram hmun hrang hranga ruahtla zat an chhinchhiah dan inrualkhai turin ruah tla dawn khawmna leh a tehkhawng atana an hman dâr bur, standard gauge len lam tur leh a san zawng tur chu an sawi fel ta a. Chu chu tun thlenga UK Meteorological Office-a an la vawn ţhat, ching-al thlawr bel  ang, kak, a bial lai hlawltlang inches 5-a zau, dar-a siam  leh tui tlinkhawmna tur dar bur chu lei atang feet 1 chiah chiah-a sang a ni  tur a ni tih a lo ni ta a.

2013-10-14_12_27_49_National_Weather_Service_Standard_Rain_GaugeKum zabi 20-naa khawvel ram ropui ber lo ni ta America rama National Weather Service tehkhawng rain guage-ah chuan ruahtui dawngtu kak, funnel chuan bur, a lai hawlhtlang cm 4, a san zawng 250 millimetres (9.8 in)-ah ruahtui chu a zuk chhung lut a, chu bur chu bur dang a lai hawlhtlang cm 20 leh a san zawng cm 50 chhungah an dah leh a ni. A chhung ril zawk bur-a ruahtui a khah khan a liam chu a bur lian zawk khan a lo dawng leh dawn a ni.

rainfall-measurement-and-interpretation-13-638

  • Darkar khat chhunga ruah tla 5 mm( 0.098 inch) chu ruah phingphisiau, ruah hmite a sur kan tih ang light rain a ni.
  • Darkar khat chhunga ruah tla 2.5 mm atanga 7.6mm (0.30 inch) chu ruah tlem a sur kan tih ang, moderate rain  hi a ni a.
  • Darkar khat chhunga ruah tla 7.6m (0.30 inch) ) ai tam 10 mm (0.39 inche) leh 50mm( 00 inches) inkar  chu ruahpui vanawn a sur kan tih ang, heavy rain  hi a ni a.
  • Darkar khat chhunga ruah tla 50mm (2.00 inches) aia tam a nih chuan ruah bawhawk a sur kan tih ang, violent rain hi a ni.

gauge2

stratus-rg202-rain-gauge

21fig06

Tichuan, ni khat, kar khat, thla khat leh kum khata khaw pakhata  ruahtla zat chu a chawh rual vek theih ta mai a ni.

 

 

Similar Articles

Top