You are here
Home > Asia News > ROHINGYA HEL AN CHE LEH. CHET ZEL AN TUM THU PUANG

ROHINGYA HEL AN CHE LEH. CHET ZEL AN TUM THU PUANG

ROHINGYA HEL AN CHE LEH. CHET ZEL AN TUM THU PUANG

Myanmar sorkar chuan Zirtawpni khan Arakan Bengali firfiak pawl, mi 20 rualin sipai lirthei pakhat damlo phur chu tualcher bomb hmanga an lambun thu leh mi 3-in hliam an tuar thu a puang a, vawiin khan Arakan Rohingya Salvation Army (Arsa) chuan tweeter kaltlangin Myanmar sipai lirthei lambuntute chu anmahni an nih thu an inpuang a, ARSA hruaitu Ata Ullah chuan Myanmar sipaite’n Rohingya chunga firfiak taka an chetna chu bei let lo thei an nih lo thu leh Myanmar sipaite chu an la beih zel tur thu a puang nghal bawk a ni.

Arsa has released videos featuring its leader Ata Ullah (centre)
Arsa has released videos featuring its leader Ata Ullah (centre)

Tun hma atang tawh khan Arakan state-ah Rohingya Muslim leh Myanmar ram leilung fa, Buddhist-te inkarah intihthiamlohna leh buaina a chhuah fo avangin Rohingya hel pawl ARSA a lo piang ta a, nikum August ni 25 khan heng hel pawl hian Arakan state-a Myanmar sipai leh police outpost 30 a rualin an run  thut a, Hindu sakhaw zui 28 an that bawk niin Myanmar sorkar chuan a puh a.  

Last year, officials accused Arsa militants of burning the Hindu village of Yebawkyaw and killing many of its inhabitants
Last year, officials accused Arsa militants of burning the Hindu village of Yebawkyaw and killing many of its inhabitants

Heta ţang hian Myanmar sorkar chuan Rohingya hel pawl hi Islamic Militant angah ruatin phuba lak leh thenfai hna a thawk ta a, Bangladesh ramah Rohingya mi 650,000 lai an raltlan phah tawh  a. Médecins Sans Frontières chuan Myanmar sipai kut tuarin Rohingya mi leh sa 6,700 lai an thi tawh niin a chhut a ni.

BBC South East Asia correspondent Jonathan Head chuan Arakan state-a awm Rohingya zawng zawng hian an hnam hel pawl ARSA hi an thlawp vek lo va, ARSA tactic leh strategy hi a ţhing hle niin a sawi bawk a ni. Ngam loh chala chil hnawm leh tualchher bomb nena mahni ram pawh ni lo,  ram pakhat sipaite do chu a finthlak vak lo a ni. 

 

Similar Articles

Top