You are here
Home > CCT Robawm > ROCK HLA ROPUI: SMOKE ON THE WATER

ROCK HLA ROPUI: SMOKE ON THE WATER

ROCK HLA ROPUI: SMOKE ON THE WATER

Samson-a’n sakeibaknei thi ruang ţawih tawh atangin khawizu thlum tak a la ang khan kangmei chhuaka meikhu leh meivap leh vut  atangin Deep Purple chuan hla ropui, rock rimawi ropui, guitar riff chuai thei tawh ngai lo tur, Smoke On The Water  an rawn siam chhuak tlat mai. Art dangdaina chu hel nuai leh hratlaka siam chi a ni lo. An ruahţham loh hla hi a hit ta zek a ni.

Capture

Anmahni ram United Kingdom-a lar tawh tak Deep Purple chuan kum 1972-a tihchhuah tur  Machine Head tih album thar siam an tum a, Switzerland ram Geneva dil kama awm Montreaux khuaah an inkulh a, Rolling Stones ta Mobile Studio hnuhsawn theih, man to takin an hawh a, chu chu an chhawm tel bawk a.

Frank Zappa, Ekeberghallen, Oslo, Norway.
Frank Zappa, Ekeberghallen, Oslo, Norway.

Chutichuan, kum 1971 December ni 4-ah Montreaux Casino theater-ah Frank Zappa & the Mothers of Invention te chuan concert an nei a. An concert neih zawh hian he lai Casino-ah Deep Purple chuan recording tih an tum a, ruahmanna pawh an siam fel diam tawh a.

Publicity photo of Frank Zappa and The Mothers of Invention.
Publicity photo of Frank Zappa and The Mothers of Invention.

Deep Purple memberte hian he concert hi an en ve a, chutih lai tak chuan mi pakhat atsovin halzit kahchhuahna silai ( flare gun)-in halzit vawihnih a kap a, chu a thil kapchhuah chuan concert an neihna Casino hlui tawh tak ceiling thing mawih tawh tak chu a tikang ta hluah mai a. A ĩn pum chuan a kang ta a. An concert chu tihtawp a ni a, chhanchhuah hna an thawk ta a, Montreux Jazz Festival huaihawttu zinga mi Claude Nobs chu kangţhelh pawlte nen kangmei laka concert en-ho an him theih nan chhanchhuahhna thawkin a virbuai nasa ta mai a.

Claude Nobs
Claude Nobs

Guitarist Ritchie Blackmore leh a ţhainte chuan in kang chu ral atangin an lo thlir reng a, meikhu-in Geneva dil tui a han bawh zing phui mup mai chu an en reng a. Chu tih lai tak chuan bass player Roger Glover rilru-ah “ Smoke on the water, Fire in the sky” tih thu hi a lo piang ta a ni. A hlathu hi Ian Gillan phuah a ni thung a. Ritchie Blackmore ţingţang tum hi Fender Stratocaster electric guitar dum 1968 a ni. Temple of the king leh Smoke on the water guitar riff avang ringawt pawh hian Ritchie Blackmore hming hi rimawi khawvelah chuan a dai mai mai tawh lo vang.

Richie Blackmore at the Gentinr Arena in June 2016.
Richie Blackmore at the Gentinr Arena in June 2016.

An recording tih tumna ber meivapa a lo chan tak si-ah chuan hnawhsarum takin theater te reuh te, the Pavillion an tih chu an han tuaihnum liam luam a, recording chu an ti ta a. An thawm a ringin an bengchheng hle ni ngei tur a ni a, an ţhenawm khawvengte‘n an ning lutuk a, thuneitute hnenah  an lo complain  a. Police an lo kal a, an recording tihna in, the Pavilion chu an kharsak ta hmiah a.

16339-smoke-on-the-water-Hero

An Visa a thi hman palh ang tih hlau reng rengin hmanhmawh ang reng tak chungin chawlhkar khat lai recording tihna tur ĩn ruak remchang an zawn leh hnu chuan hotel hlui tawh tak Montreux Grand Hotel chu an hmu a, an luahhawh ta a, recording tihna atan a chei ţha leh thuak thuak a. He Grand Hotel-ah ngei hian a ni, an hla ropui leh rimawi ropui Smoke On The Water tih hla hit mangkeng hi an record tak ni. Lead guitarist Ritchie Blackmore chuan police te khan an recording tihna hmasa The Pavilion kha kharsak lo se, hetiang ang rimawi ropui hi a siamchhuah theih a rin loh thu a sawi a ni. Police te’n the Parvillion an lo kharsak kha rimawi khawvel tan malsawmna a lo ni ta hlauh zawk a nih chu!

Smoke_on_the_WaterSmoke-on-the-water-armenia-reissue

A hla thu thenkhat hi ka han hrilhfiah ang a, tichuah a hla thu awmzia  a fiah  kuar mai ang.

Gambling house= Montreux Casino

Mobile= “the Rolling truck Stones thing”= Rolling Stones’ Mobile Studio

Funky Claude= Claude Nobs

The Grand Hotel, It was empty, cold and bare = Grand hotel hlui leh ruak leh vawt lutuk

We all came out to Montreux
On the Lake Geneva shoreline
To make records with a mobile
We didn’t have much time
Frank Zappa and the Mothers
Were at the best place around
But some stupid with a flare gun
Burned the place to the ground

Smoke on the water, a fire in the sky
Smoke on the water

They burned down the gambling house
It died with an awful sound
Funky Claude was running in and out
Pulling kids out the ground
When it all was over
We had to find another place
But Swiss time was running out
It seemed that we would lose the race

Smoke on the water, a fire in the sky
Smoke on the water

We ended up at the Grand Hotel
It was empty, cold and bare
But with the Rolling truck Stones thing just outside
Making our music there
With a few red lights, a few old beds
We made a place to sweat
No matter what we get out of this
I know, I know we’ll never forget

Smoke on the water, a fire in the sky
Smoke on the water

Songwriters: Ian Gillan / Ian Paice / Jon Lord / Ritchie Blackmore / Roger Glover

 

 

Similar Articles

Top