You are here
Home > World News > ROBERT MUGABE A BANG TA NGE NGE – BBC

ROBERT MUGABE A BANG TA NGE NGE – BBC

ROBERT MUGABE A BANG TA NGE NGE – BBC

Zimbabwe Parliament speaker Jacob Mudenda chuan Robert Mugabe chu Zimbabwe President a nihna atanga a ban tak thu a puang.

ROBERT MUGABE A BANG DUH TLAT LO – BBC

Robert Mugabe chuan banna a thehluh-ah ama duh thu ngeia bang a nih thu a tarlang a ni.

_98759745_gettyimages-669827064-2

Vawiin khan Zimbabwe Parliament chuan Robert Mugabe hi President anihna atang ban turin impeachment hearing an nei mek a, hetih lai hian Robert Mugabe chuan banna a thehlut ta a ni.

_98759998_graceandrobert

Kum 93 mi Mugabe hi Zimbabwe independence a sualchhuah tirh kum 1980 atang khan kum 37 chhung a lal a, kum 15 chhung chu amah paihthlal tumte nen buaina an nei reng a, a lalna bansan ai chuan tharum thawha lal reng a tum tlat a, a tawp a tawpah loh theih lohvin a ban a lo ngai ta a ni.

 

Mi rethei hmakhua ngai tak angin a insawi reng a, amah leh a sangawi zawnpuite an hausa tual tual a, mipui an rethei tial tial a, independence hma aiin tunah hian Zimbabwe mipuite hi 15% in an rethei tawh zawk a ni.

_98762723_gettyimages-643403816

mipuii an lawm hle
mipuii an lawm hle

 Kar hnih kal ta khan Robert Mugabe hian Emmerson Mnangagwa chu  vice-president a nihna atangin a ban a, a nupui Grace Mugabe chu a aiawha laltir a tum a, sipai an rawn inrawlh ta a, an party Zanu-PF party chuan an party hruaitu a nihna atangin an ban a, parliament rorelna kaltlanga ban an tum laiin Robert Mugabe hian banna a thehlut ta a, an ram khawpui Harare-ah mipui lawm lutuk chu kawngpuiah an chhuak a, an lam huai huai mai a ni.

tharum hman a pawisa lo.
tharum hman a pawisa lo.

 Mugabe hi a ram mipuite chu rethei se, an chunga rorel a nuam zawk tih ngaihdan nei mi a ni a, mithiamte leh sumdawn thiamte ngaihdan a la duh ngai lo va, an ram independence sual chhuaktu hian lal reng a duh avangin an ram a tikhawbaw ta vek zawk a ni.

 

Similar Articles

Top